ڕەغد سەددام حوسێن
| ڕەغد سەددام حوسێن | |
|---|---|
 | |
| لەدایکبوون | ٢ی ئەیلوولی ١٩٦٨ بەغدا، عێراق |
| باوک | سەددام حوسێن |
| دایک | ساجیدە تەلفاح |
| خوشک و برا | عودەی سەددام حوسێن، قوسەی سەددام حوسێن، حەلا سەددام حوسێن، ڕەنا سەددام حوسێن |
| ھاوسەر | حوسێن کامیل مەجید |
| پیشە | سیاسەتوان |
| ئایین | سوننە |
ڕەغد سەددام حوسێن (لەدایکبووی ٢ی ئەیلوولی ١٩٦٨)، کچی سەددام حوسێنە، سەرۆکی پێشووی عێراق. لەدوای کۆتایی ھاتنی شەڕی عێراق و ڕووخانی حیزبی بەعس لە عێراق، ئەوا ڕەغد لە ئەردەن دەژی.
ژیان
[دەستکاری]ڕەغد لە ساڵی ١٩٦٨ لەدایکبوو، ئەو کچی سەددام حوسێن و ساجیدە تەلفاحە، باوکی سەرۆکی پێشووی عێراق بووە وە دایکیشی نازناوی خانمی یەکەمی عێراقی ھەڵگرتبوو. ڕەغد دوو برای ھەبوو بەناوەکانی عودەی، قوسەی ھەروەھا دوو خووشکیشی ھەیە بەناوەکانی رەنا و حەلا.
لە ساڵی ١٩٨٣، ھاوسەرگیری لەگەڵ حوسێن کامیل مەجید کرد، کە ناوبراو لە سەددام یاخی بوو و چووە ئەردەن ھەروەھا زانیاری لەبارەی چەکە نھێنییەکانی عێراق بە سی ئای ئەی و دەزگای ھەواڵگریی بریتانی دا. دواتر سەددام داوای لێکرد بگەڕێتەوە و بڕیاری لێخۆشبوونی بۆ دەردەکات، لەکاتی گەڕانەوەی بۆ عێراق ئەوا سەددام داوای جیابوونەوەی حوسێن و ڕەغدی کردە فەرمان. ھەروەھا بەتۆمەتی خیانەت حوسێنی کووشت دوای تەنیا چەند ڕۆژێک لە گەڕانەوەی بۆ عێراق.[١] ڕەغد پێنج منداڵی لە حوسێن بوو، سێ کوڕ؛ وەھج، عەلی سەددام ھەروەھا دوو کچ بەناوەکانی بەنان و حەریر.
لە ساڵی ٢٠٠٣، دوای ھاتنی ئەمریکا بۆ سەر خاکی عێراق کەوتنی ڕژێمی بەعس، ڕەغد لەگەڵ کۆمەڵێک بەعسی دیکە چوونە عەممان و لەلایەن عەبدوڵڵای دووەم داڵدە دران. تا ئێستاش ڕەغد ھەر لە ئەردەن دەژی. لە ٢ی تەممووزی ٢٠٠٦، مۆفەق ڕوبەیعی ڕاوێژکاری ئاسایشی نەتەوەیی عێراق ئاشکرایکرد کە ساجیدە و ڕەغد داواکراون بەتۆمەتی ھاوکاریکردنی ھێزە چەکدارەکان لە عێراق.[٢] ھەروەھا پشتگیری دارایی ھێزە تیرۆریستییەکان دەکەن لە دژی حکوومەتی عێراقی.[٣] لەبەرامبەردا مۆفەق بەخیت، سەرۆکوەزیرانی ئەردەن ئەوەی ڕایگەیاند کە ڕەغد و منداڵەکانی لەژێر پارێزبەندی خێزانی شاھانە دەمێنێتەوە و ئەم ھەنگاوەش وەک ھەنگاوێکی مرۆڤایەتی چاوی لێدەکرێت. ھەروەھا ئاماژەشی بەوەکرد ڕەغد میوانی بنەماڵەی شاھانەیە، ئەوەش بەپێی نەریتی عەرەب پارێزگاری لێدەکرێت.[٤]
لە ٣٠ی کانوونی یەکەمی ٢٠٠٦، سەددام حوسێن لە سێدارەدرا لە عێراق. ڕەغد داوایکرد کە جەستەی سەددام بەشێوەیەکی کاتی لە یەمەن بنێژرێت تاکوو دەرچوونی ھێزەکانی ھاوپەیمانان لە عێراق.[٥] لە ئابی ٢٠٠٧، ئینتەرپۆل ڕایگەیاند کە فەرمانی دەستگیرکردن بۆ ڕەغد دەرچووە بەتۆمەتی ھاوکاریکردنی ھێزە تیرۆریستییەکان لە عێراق.[٦] ھەر ئەم گومانانە وایکرد، ئاژانسی سپیگل ناوی ڕەغد بە «دایکی تیرۆر» بھێنێت.[٧] لە ڕاپۆرتەکەیدا، ئاماژەشیان بەوەکرد کە ڕەغد لە ئەردەنەوە بە ملیۆنان خەرج دەکات بۆ پشتگیرکردنی داعش، ھەموو ئەوانەش بەئامانجی گەڕانەوەیەکی تۆڵەئامێزانەیە بۆ سەر دەسەڵاتی عێراق. بەر لەوەش، کەناڵی فۆکس ھەمان بیرووڕای لەسەر ڕەغد بڵاوکردبوویەوە.[٨]
ڕەغد لناوی لەگەڵ ٥٩ داواکاراوی عێراق ھاتووە، کە تێیدا لەو لیستە ٢٨ چەکداری داعش، ١٢ چەکداری قاعیدە وە ٢٠ ئەندامی حیزبی بەعسی تێدایە، لەلیستەکە تۆمەتی تاوانەکانیان دیاریکراوە.[٩]
سەرچاوەکان
[دەستکاری]- ^ Anthony H. Cordesman؛ Ahmed S. Hashim (١٩٩٧). Iraq. Westview Press. لاپەڕە ٢٤. ژپنک ٩٧٨-٠-٧٨٦٧-٤٢٣٤-٩. لە ١٦ی ئازاری ٢٠١٣ ھێنراوە.
- ^ «Hussein's wife, daughter on new 'wanted' list». CNN. ٢ی تەممووزی ٢٠٠٦. لە ڕەسەنەکە لە ٥ی کانوونی یەکەمی ٢٠٠٧ ئەرشیڤ کراوە. لە ١٢ی حوزەیرانی ٢٠١٣ ھێنراوە.
- ^ «وەشانی ئەرشیڤکراو». لە ڕەسەنەکە لە ١٤ی کانوونی دووەمی ٢٠٢٠ ئەرشیڤ کراوە. لە ١٥ی نیسانی ٢٠٢٠ ھێنراوە.
- ^ «Jordan stands by Saddam Hussein's daughter». TurkishNews.com. ٢ی تەممووزی ٢٠٠٦. لە ڕەسەنەکە لە ٢٨ی نیسانی ٢٠١٣ ئەرشیڤ کراوە. لە ١٢ی حوزەیرانی ٢٠١٣ ھێنراوە. ٦ی شوباتی ٢٠١٢ لە وەیبەک مەشین، ئەرشیڤ کراوە.
- ^ «Saddam daughter asking body be buried in Yemen». Reuters. ٢٩ی کانوونی یەکەمی ٢٠٠٦. لە ڕەسەنەکە لە ١٢ی حوزەیرانی ٢٠١٠ ئەرشیڤ کراوە. لە ١٢ی حوزەیرانی ٢٠١٣ ھێنراوە.
- ^ «Warrant out for Saddam daughter». BBC News. ١٧ی ئابی ٢٠٠٧. لە ١٢ی حوزەیرانی ٢٠١٣ ھێنراوە.
- ^ Salloum، Raniah (٢٩ی ئابی ٢٠١٤). «"Islamic State" in Iraq: Saddam's daughter is godmother Terror». Spiegel Online. لە ٣١ی ئابی ٢٠١٤ ھێنراوە.
- ^ Hall، Benjamin (٢٣ی حوزەیرانی ٢٠١٤). «ISIS joins forces with Saddam loyalists in bid to take Baghdad». Fox News Channel. لە ٣١ی ئابی ٢٠١٤ ھێنراوە.
- ^ https://www.aljazeera.com/news/2018/02/saddam-eldest-daughter-raghad-wanted-list-180204163537080.html
