کاوچ سێرفینگ

Couchsurfing International Inc.
چەشنی بازرگانیC corporation[١]
بەردەستە بەئینگلیزی، فەڕەنسی، ئەڵمانی، ئیتالی، پۆلەندی، پۆرتووگالی, ڕووسی, چینی ساکار وە ئیسپانی[٢]
دامەزراندن٢ی نیسانی ٢٠٠٣ (نیو ھەمپشیر ڕێکخراوی قازانج نەویست)[٣]
٣ی ئایاری ٢٠٢١١ (دێلوەیر ڕێکخراوی قازانج ویست)[٤][٥][٦][٧]
ناوچەی ڕاژەکراوجیهان
دامەزرێنەر(ان)کەیسی فێنتن
دانیەل هۆفەر
سێبستیان لی توان
لیۆناردۆ دا سیلڤیەرا [٨]
Key peopleپاتریک دوگان، بەڕێوبەری جێبەجێکار
فرانسیسکۆ دیپاریس، بەڕێوبەری ژمێریاری[٩]
بەرھەمەکانHomestay
ڕاژەکانخزمەتگووزاریی تۆڕی کۆمەڵایەتی
وێبگەwww٫couchsurfing٫com لە ویکیدراوە دەستکاریی بکە
بەکارھێنەران١٢ ملیۆن بەکارهێنەر
خستنەکار١٢ی حوزەیرانی ٢٠٠٤؛ ٢٠ ساڵ لەمەوبەر (٢٠٠٤-٠٦-12)[١٠][١١][١٢]

کاوچ سێرفینگ خزمەتگووزاری تۆڕێکی کۆمەڵایەتی هەروەها خزمەتگووزاریی ئاڵووگۆڕی میوانداری پێشکەش دەکات کە تێیدا بەکارهێنەر لە کاتی گەشتکردندا داوای میوانداری و مانەوە لە ماڵ لە بەکاربەرێکی دیکە دەکات، بە گشتی سەرجەم بەکارهێنەرانی تۆڕەکە ئارەزوویانە لە گەشتە.

بەپێی یاساکانی تۆڕەکە، ئەو کەسەی کە میوانداری دەکات ئەوا بۆی نییە داوای پارە بکات لە بەرامبەر میوانداریکردنەکەی. لە سەرەتادا تۆڕەکە بەتەواوی بەخۆڕایی بوو، بەڵام لەوەتەی ساڵی ٢٠٢٠ بووەتە پارە کە بەکارهێنەر مانگانە ٢ دۆلار یانیش ساڵانە ١٥ دۆلار دەبەخشێت بە تۆڕەکە. ئەم سیستمی پارەدانە تەنیا لە وڵاتانی گەشەسەندوو پەیڕەو دەکرێت، لە وڵاتانی دیکە تۆڕەکە هێشتا بەخۆڕایی کاردەکات. بەکارهێنەرانی تۆڕەکە دەتوان ٦٠ دۆلاریش بدەن بۆ وەرگرتنی نیشانەی تایبەت کە وادەکات پڕۆفایلەکەیان باشتر دەربکەوێت و لایەنێکی ئاساییشی بۆ زیادبێت.[١٣]

مێژوو

[دەستکاری]

بیرۆکە (١٩٩٩-٢٠٠٤)

[دەستکاری]

کاوچ سێرفینگ لە بیرۆکەیەکی کەیسی فێنتن درووست بوو کە ناوبراو پڕۆگرامسازیی کۆمپیوتەر و خەڵکی نیوھەمپشیرە، ئەمەش لە کاتێکدا بوو کە لە ساڵی ١٩٩٩ کە ناوبراو تەمەنی ٢١ ساڵ بووە.[١][١١][١٤] بیرۆکەکە سەری هەڵدا کاتێک فێنتن دەیویست فڕۆکەیەکی هەرزان ببڕێت لە بۆستنەوە بۆ ئایسلەند بەڵام بێ ئەوەی ژوورێک بگرێت. فێنتن توانی لە ڕێی هاکەوە دزەبکاتە ناو بنکەدراوەی زانکۆی ئایسلەند و ١٥٠٠ ئیمەیل بۆ قوتابییەکانی ئەو زانکۆیە بنێرێت بۆ ئەوەی شوێنی مانەوەی دابین بکات. ئەو نزیکەی ٥٠ بۆ ١٠٠ پێشنیاری مانەوەی وەرگرت، لە ناویاندا گۆرانیبێژێکی ڕیتم و بلووزی ئایسلەندی هەڵبژارد. دواتریش کە لە ئایسلەند گەڕایەوە ئەوا بیرۆکەی وێبساتێکی هاتە بیر. ئەو ناوی پاوانی کاوچ سێرفینگ دۆت کۆمی لە ١٢ی حوزەیرانی ١٩٩٩ گرت.[١٥][١٦]

دواتر کۆمپانیای نیوھەمپشیری قازنج نەویست لە ٢ی نیسانی ٢٠٠٣ دامەزراند،[٣] بەو پلانەی کە ببەخشرێت لە باج.

ماڵپەڕەکە لە ڕۆژی ١٢ی حوزەیرانی ٢٠٠٤ خرایەگەڕ[١٧] ئەمەش بەهاوکاری لەگەڵ دان هۆفەر، سێبستیان لی تواننن و لیۆناردۆ سیلڤیەرا بوو.[١٨]

گەشەپێدانی ماڵپەڕ لەڕێی خۆبەشان (٢٠٠٦-٢٠١١)

[دەستکاری]
کۆبوونەوەیەک لە بنکەی سەرەکی پێشووی کاوچ سێرفینگ لە سان فرانسیسکۆ.

لە ساڵی ٢٠٠٦ بەدواوە تاکوو وەرگرتنی کۆمەک لە ساڵی ٢٠١١، ئەوا پەرەپێدانی ماڵپەڕەکە لەلایەن کەسانی خۆبەخش بوو.[١٧] خۆبەخشەکان لە مۆنتریال، ڤیەننا، نیوزیلاند، ڕۆتەردام، کۆستاریکا، سامارا، ئەلاسکا، ئەستەمبول و تایلەند بوون.[١٧][١٩] بەڵام لەگەڵ ئەوەشدا، ئەم هەنگاوە وایکرد کە وێبسایتەکە پڕببێت لە هەڵەی نەرمەکاڵا. لەوکاتەدا زۆرێک لە بەکارهێنەران لەو بڕوایەدابوون کە پێویستە ماڵپەڕەکە لە سەرەتاوە درووست بکرێتەوە.[٢٠]

لە حوزەیرانی ٢٠٠٦، کێشەکانی بنکەدراوەی وێبسایتەکە ئەوەدنە زۆربوون کە بووە هۆی لەدەستدانی کۆمەڵێک داتا کە نەدەتواندرا بگەڕێنەوە.[٢٠][٢١] لەبەر ئەوە، دامەزرێنەر کەیسی لە بڵاوکراوەیەکدا داوای یارمەتی کرد.[٢٢] لە کۆبوونەوەیەکدا تواندرا ٨٠٠٠ دۆلار کۆبکەنەوە و لەم ڕێیەشەوە دووبارە وێبسایتەکەیان درووست کردەوە.[١٧] لە ساڵی ٢٠٠٧، لە بزوێنەری گەڕانی گووگڵ ئەوا پاوانی ناوی کاوچ سێرفینگ پێشی ماڵپەڕی هۆسپیتەڵی کڵەبی دایەوە.[٢٣]

بەرەو دامەزراوەی قازانج ویست (٢٠١١)

[دەستکاری]

کۆمپانیاکە لە تشرینی دووەمی ٢٠٠٧ داواکاری ئەوەی پێشکەشکرد کە وەک کۆمپانیایەکی قازانج نەویست ببەخشرێت لە باج، بەڵام لە سەرەتای ٢٠١١ەوە ئەو داواکارییە ڕەتکرایەوە.[٢٤] دوای توێژینەوەکردن لەسەر هۆکار و جێگرەوەی دیکە، وەرگرتنی ئامۆژگاری لە پارێزەرانەوە ئەوا کۆمپانیاکە ئەسێتەکانی خۆی فرۆشت بۆ ئەوەی کۆمپانیایەکی نوێی قازانج ویست دابمەزرێنن.[٢٤]

دەرەنجام کۆمپانیای نێونەتەوەییی نیوھەمپشیری قازنج نەویست لە ٤ی تشرینی دووەمی ٢٠١١ هەڵوەشایەوە. ئەسێتەکانیشی فرۆشران بە کۆمپانیای دیلوەیر سی کۆپۆرەیشن، لە بەرامبەردا لە ٣ی ئایاری ٢٠١١ کۆمپانیای کاوچ سێرفینگ بە فەرمی دامەزرا.

پەرەپێدان و بڵاوکردنەوەی ئەپی مۆبایل

[دەستکاری]

لە ساڵی ٢٠١١، کۆمپانیاکە ئەپێکی بۆ سیستمەکانی ئای ئۆ ئێس و ئەندرۆید بڵاوکردەوە.[٢٥] لە حوزەیرانی ٢٠١٦، خزمەتگوزارییەکی نوێ خرایە ناو ئەپی مۆبایلەکە کە بەکارهێنەران لەڕێگایەوە دەتوانن نزیکترین بەکارهێنەر لە شوێنی خۆیانەوە بدۆزنەوە بۆ پیاسەکردن.[٢٦]

گۆڕین بۆ مۆدێلی بازرگانی (٢٠٢٠)

[دەستکاری]

لە ئایاری ٢٠٢٠، لەدوای بڵاوبوونەوەی پەتای جیهانییی کۆڤید-١٩، کۆمپانیاکە ڕایگەیاند کە سیستمی بەشداربوونییان بەگەڕ خستووە، ئەم هەنگاوەش بە چڕی تووڕەیی ئەندامانی لێ کەوتەوە.[٢٧]

سەرچاوەکان

[دەستکاری]
  1. ^ ئ ا Lapowesky، Issie (٢٩ی ئایاری ٢٠١٢). «Couchsurfing Dilemma: Going for Profit». Inc.
  2. ^ «Couchsurfing Travel App». App Store (iOS/iPadOS).
  3. ^ ئ ا «Business Information: COUCHSURFING INTERNATIONAL INC». New Hampshire Department of State.
  4. ^ «State of Delaware corporate entity search – enter "couchsurfing"».
  5. ^ Gallagher، Billy (٢٢ی ئابی ٢٠١٢). «CouchSurfing Raises $15 Million Series B From General Catalyst Partners, Menlo Ventures, Others». TechCrunch.
  6. ^ Perlroth، Nicole (٢٤ی ئابی ٢٠١١). «Non-Profit CouchSurfing Raises Millions In Funding». Forbes.
  7. ^ Perlroth، Nicole (٢٤ی ئابی ٢٠١١). «Non-Profit CouchSurfing Raises Millions In Funding». Forbes.
  8. ^ «Couchsurfing: about us».
  9. ^ «Business Search – Results». California Secretary of State. لە ڕەسەنەکە لە ١٤ی تشرینی دووەمی ٢٠٢١ ئەرشیڤ کراوە. لە ١٤ی تشرینی دووەمی ٢٠٢١ ھێنراوە.
  10. ^ Fedorov، Andrew (١٥ی ئەیلوولی ٢٠٢١). «Paradise lost: The rise and ruin of Couchsurfing.com». Input. Bryan Goldberg.
  11. ^ ئ ا Camillo، Angelo A. (١٧ی ئابی ٢٠١٥). Handbook of Research on Global Hospitality and Tourism Management. IGI Global. ژپنک ٩٧٨١٤٦٦٦٨٦٠٧٦.
  12. ^ Barnett، George A. (٧ی ئەیلوولی ٢٠١١). Encyclopedia of Social Networks. SAGE Publications. ژپنک ٩٧٨١٥٠٦٣٣٨٢٥٥.
  13. ^ «Verification Payment Questions». Couchsurfing.
  14. ^ Moran، Gwen (٩ی کانوونی یەکەمی ٢٠١١). «How CouchSurfing Got its Start, and Landed VC Millions». Entrepreneur.
  15. ^ Camillo، Angelo A. (١٧ی ئابی ٢٠١٥). Handbook of Research on Global Hospitality and Tourism Management. IGI Global. ژپنک ٩٧٨١٤٦٦٦٨٦٠٧٦.
  16. ^ «Whois Record for CouchSurfing.com».
  17. ^ ئ ا ب پ Camillo، Angelo A. (١٧ی ئابی ٢٠١٥). Handbook of Research on Global Hospitality and Tourism Management. IGI Global. ژپنک ٩٧٨١٤٦٦٦٨٦٠٧٦.
  18. ^ Moran، Gwen (٩ی کانوونی یەکەمی ٢٠١١). «How CouchSurfing Got its Start, and Landed VC Millions». Entrepreneur.
  19. ^ Barnett، George A. (٧ی ئەیلوولی ٢٠١١). Encyclopedia of Social Networks. SAGE Publications. ژپنک ٩٧٨١٥٠٦٣٣٨٢٥٥.
  20. ^ ئ ا DeAmicis، Carmel (١٠ی کانوونی دووەمی ٢٠١٥). «How Couchsurfing became the Friendster of the sharing economy». Gigaom. لە ڕەسەنەکە لە ١٤ی تشرینی دووەمی ٢٠٢١ ئەرشیڤ کراوە. لە ١٤ی تشرینی دووەمی ٢٠٢١ ھێنراوە.
  21. ^ Arrington، Michael (٢٩ی حوزەیرانی ٢٠٠٦). «CouchSurfing Deletes Itself, Shuts Down». TechCrunch.
  22. ^ Fenton، Casey (٢٨ی حوزەیرانی ٢٠٠٦). «Help! - Innodb and MyISAM accidental DROP DATABASE – 112 tables gone forever?». forums.mysql.com.
  23. ^ Rustam Tagiew؛ Dmitry I. Ignatov؛ Radhakrishnan Delhibabu (2015). Hospitality Exchange Services as a Source of Spatial and Social Data?. (IEEE) International Conference on Data Mining Workshop (ICDMW). Atlantic City. لاپەڕە 1125–1130. doi:١٠.١١٠٩/ICDMW.٢٠١٥.٢٣٩.
  24. ^ ئ ا Longenecker، Justin G.؛ Petty، J. William؛ Palich، Leslie E.؛ Hoy، Frank (١٥ی کانوونی دووەمی ٢٠١٦). Small Business Management: Launching & Growing Entrepreneurial Ventures. Cengage. ژپنک ٩٧٨١٣٠٥٤٠٥٧٤٥.
  25. ^ Graham، Jefferson (١٢ی تشرینی یەکەمی ٢٠١٣). «Couchsurfing your way to a free place to stay». USA Today.
  26. ^ WIRA، NI NYOMAN (٢٣ی حوزەیرانی ٢٠١٦). «Couchsurfing to introduce new "hangout" feature». The Jakarta Post.
  27. ^ Ferrarese، Marco (٢٤ی حوزەیرانی ٢٠٢٠). «Pandemic hits 'couchsurfing' travel bug». Nikkei Asian Review.

بەستەری دەرەکی

[دەستکاری]
ویکیمیدیا کامنز میدیای پەیوەندیداری بە کاوچ سێرفینگ تێدایە.