کرمی دەزوولەیی

کرمی دەزوولەیی (بە ئینگلیزی: Thread worm یان Pin Worm) کرمێکی مشەخۆری زۆر بچووکە کە تووشی ڕیخۆڵە ئەستوورە دەبێت و لە ناو پیساییدا بە دیار دەکەوێت، و لە نێو منداڵان زۆر باوە و بە ئاسانیش دەگوازرێتەوە. لە ناو پیساییدا وەک پارچەیەک دەزوولەی سپی دەبینرێ، و دەتوانری لە کۆمی منداڵیش ببینرێ. لە شەودا کە منداڵ دەخەوێ، کرمەکان دێنە نزیک کۆم. وەک ئەوەی لێرە دەردەکەوێت.[١]

نیشانەکانی بوونی کرمی دەزوویی

[دەستکاری]

باوترین نیشانەکانی:

  1. زۆر خورانی دەوری کۆم و ئەندانی زاوزێ بە تایبەتی لە شەودا.
  2. بێزار بوون و ھەڵسان لە شەودا.

نیشانە کەمتر باوەکانی:

  1. دابەزینی کێش.
  2. خۆپیس کردن.
  3. خورانی پێستی دەوری کۆم.[٢]

ھۆکارەکانی تووشبوون

[دەستکاری]
  • لە ڕێگەی قوتدانی ھێلکۆکەی ئەم کرمەوە لە سەرچاوەی پیسبوو بە کرمەوە.
  • خوراندن ناوچەی کۆم و دواتر دەست بردن بۆ دەم یان خۆراک. (چونکە ھێلکۆکەکان دەچنە ژێر نینۆکی کەسەکە).
  • ھێلکەکان دەبن بە کرم لە ڕیخۆڵە ئەستوورە. دواتر ئامادە دەبێ بۆ دانانی ھێلکەی زیاتر، لە نزیک کۆم ھێلکەکان دادەنێت.
  • سووڕەکە بەم شێوەیە بەردەوام دەبێت، ئەگەر چارەسەر نەکرێ.

Thread worm دەتوان بۆ ماوەی ٢ ھەفتە جەوھی دەرەوە بمێنێتەوە.[٣]

چارەسەر

[دەستکاری]

ھەموو ئەندامانی ماڵەکە پێویستە چارەسەر وەربگرن، چونکە ھەندێک کەس تووشدەبن بەڵام ھیچ نیشانەیەکیان لێ بەدیار ناکەوێ. لەگەڵ ئەوەشدا دەتوانێ ھێلکەکان فڕێبدات و ئەندامانی تری ماڵەکە تووش بکات.

دەرمانی Mebendazole بۆ لە ناوبردنی ئەم کرمە بەکاردێ لە Gut بە گوێرەی تەمەن و ئاگاداری کەسانی پسپۆڕ.

بەڵام بۆ لە ناوبردنی ھێلکەکان پێویستی بە پاک و خاوێن ڕاگرتنی ماڵەکە ھەیە. بۆ ڕێگە گرتن لە دووبارە بڵاو بوونەوەی.[٤]

سەرچاوەکان

[دەستکاری]
  1. ^ «Threadworms». nhs.uk (بە ئینگلیزی). ٨ی کانوونی دووەمی ٢٠١٨. لە ١٤ی ئابی ٢٠٢١ ھێنراوە.
  2. ^ «Threadworms». nhs.uk (بە ئینگلیزی). ٨ی کانوونی دووەمی ٢٠١٨. لە ١٤ی ئابی ٢٠٢١ ھێنراوە.
  3. ^ «Threadworms». www.healthywa.wa.gov.au. لە ١٤ی ئابی ٢٠٢١ ھێنراوە.
  4. ^ «Threadworms | Causes, Symptoms and Treatment». patient.info (بە ئینگلیزی). لە ١٤ی ئابی ٢٠٢١ ھێنراوە.
کۆمنزی ویکیمیدیا، میدیای پەیوەندیدار بە کرمی دەزوولەیی تێدایە.