کورتەفیلم
| کورتەفیلم | |
|---|---|
| لقی | فیلم |
| Less than | فیلمی درێژ، medium-length film |
| بەرامبەر | فیلمی درێژ |
کورتە فیلم جۆرێکە لە فیلم کە بە شێوەیەکی گشتی ماوەکەی زۆر کورتترە لە فیلمی درێژ، بەزۆری کەمتر لە ٤٠ خولەک و زۆرجار کەمتر لە ٢٠ خولەک. کورتە فیلمەکان دەتوانن گێڕانەوە، بەڵگەنامەیی، ئەزموونی، یان ئەنیمەیشن بن و زۆرجار وەک سەکۆیەک بۆ سینەماکارانی تازەپێگەیشتوو بەکاردەهێنرێن بۆ پیشاندانی بەهرە و لێهاتووییەکانیان.
دەتوانرێت بە بودجەیەکی کەمتر لە فیلمە درێژەکان دروست بکرێن و دەتوانن بەدواداچوون بۆ چەندین بابەت و تەوەری جۆراوجۆر بکەن. کورتە فیلم دەتوانرێت لە ڕێگەی فێستیڤاڵە فیلم و پلاتفۆرمە ئۆنلاینەکان و شوێنەکانی ترەوە دابەش بکرێت.[١]
فیستیڤاڵە گەورەکانی جیهان وەک ئۆسکار، کان، بەرلین و چەندەها فیستیڤاڵی دیکە، جگە لە فیلمی درێژ نمایشی کورتە فیلمیان هەیە وە ئەم کورتە فیلمانەش خەڵاتی تایبەتیی خۆیان وەردەگرن. وە هەروەها چەندین کەناڵی تەلەفزیۆنی هونەری هەیە کە بەردەوام کورتە فیلمەکان نمیاش دەکەن.[٢]
فیلمە سەرەتاییەکانی مێژوی سینەما کورتە فیلم بوون، وەک ئەو کرێکارانەی کە کارگەکە جێدەهێڵن کە یەکەمین کاری برایانی لۆمێر بوو وە دەتوانرێت بە یەکەمین کورتە فیلم لە مێژووی سینەمادا دەبنێرێت.[٣]
کورتە فیلمەکان تا ئەمڕۆش بەردەوامییان هەیە وە رۆژانە لە کۆی جیهان کورتە فیلم بەرهەم دێن، کورتە فیلم بە شێوەیەکی پوخت گوزارشت لە بیرکردنەو و چیرۆکەکان دەکات
کورتە فیلم دەتوانێت دەرفەتێکی باش بۆ سینەماکاران دابین بکات بۆ پەیوەندیکردن لەگەڵ بینەر و پیشەگەرەکانی پیشەسازی.
سینەماکارە گورەکانی وەک پیر پائلۆ پاسۆلینی، عەباسی کیاڕۆستەمی، بەهمەن قوبادی، ئەسغەر فەرهادی وە چەندەها دەهێنەری گەورەی دیکە سەرەتا بە کورتە فیلم دەستیان پێ کرد و دواتر دەستیان کرد بە بەرهەم هێنانی فیلمی درێژ.
سەرچاوە
[دەستکاری]- ^ «Short film»، Wikipedia (بە ئینگلیزی)، 2023-02-25، لە 2023-03-15 ھێنراوە
- ^ «فیلم کوتاه»، ویکی‌پدیا، دانشنامهٔ آزاد (بە فارسی)، 2022-09-19، لە 2023-03-15 ھێنراوە
- ^ «Auguste and Louis Lumière»، Wikipedia (بە ئینگلیزی)، 2023-03-12، لە 2023-03-15 ھێنراوە
دەروازەی فیلم
دەروازەی ئەنیمەیشن
دەروازەی وڵاتەکان
دەروازەی مێژوو
دەروازەی کۆمەڵگا
دەروازەی ھۆڵیوود
دەروازەی بۆڵیوود
دەروازەی تەلەڤیزیۆن
 |
کۆمنزی ویکیمیدیا، میدیای پەیوەندیدار بە کورتەفیلم تێدایە. |