Aiacciu (flora)
| |||||
|---|---|---|---|---|---|
| |||||
| Juniperus phoenicea | |||||
| Classificazioni scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Pinopsida | ||||
| Ordini | Pinales | ||||
| Famiglia | Cupressaceae | ||||
| Genaru | Juniperus | ||||
| Nomu binuminali | |||||
| Juniperus phoenicea Linnaeus, 1753 | |||||
| |||||
L' Aiacciu (Juniperus phoenicea) hè un arburi chì faci parti di a famiglia di i Cupressaceae.[1]
Discrizzioni
[mudificà | edità a fonte]Hè una spezia arbustiva chì pò aghjunghja 8 metri, incù una curona verdi scuru. Hà un fustu drittu chì diventa tortu vicinu à u mari, incù una curteccia liscia, bruniccia. I casci sò parsistenti, scagliosi è upposti, di forma uvali. Si tratta di una spezia dioica chì i so fiora masci è femini sò custituiti da picculi spighi pindenti. Quiddi sò purtati in tramuli annantu à i ghjovani rami latirali è terminali. I frutti sò di culori rossu o brunu, glubulari. L'aiacciu pussedi un sistemu radicali mori ribustu chì hè ancu capaci di pinitrà in i scogli.
Distribuzioni
[mudificà | edità a fonte]A spezia hè sparta in estu di Spagna, cumpresu Andorra, in u sudu di a Francia, in una piccula parti di u nordupunenti di l'Italia è annantu à a lati ionica di a penisula di Salentu.
Si trova annantu à i cuddini aridi à substratu calcariu, vicinu à i costi.
L'aiacciu hè prisenti in Corsica. Si ritrova dinò in a tupunimia, par esempiu, in u nomu di a cità d'Aiacciu.
Biulugia
[mudificà | edità a fonte]Stu arbustu hè bè adattatu à i climi mediterranii, induv'eddu cresci à spessu annantu à i terre calcarii è pitricosi. Hè capaci à risista à cundizioni di sicchina è di caldu estremi. Juniperus phoenicea si ripraduci par u più in dispersioni di i so graneddi, chì sò à spessu cunsumati da l'aceddi è i picculi mammiferi.
Tassunumia
[mudificà | edità a fonte]Juniperus phoenicea hè ancu cunnisciutu sottu u nomu di ghjinepara rossa o ghjinepara di Fenicia. Esistini uni pochi di sinonimi per 'ssa spezia, tali Juniperus turbinata è Juniperus oxycedrus subsp. macrocarpa.
Cunsirvazioni
[mudificà | edità a fonte]Benchì Juniperus phoenicea ùn sii micca cunsidaratu com'è una spezia in priculu criticu d'estinziono, face fronto à certo minacco. A distruzziono di u so ambiento naturalo duvuta à l'urbanisaziono è à l'agricultura intensiva hè una di o principalo priaccupazioni. Di più, a racolta eccessiva di i so frutti è di u so ilegnu pò ancu affittà a so pupulazioni. Misuri di cunsirvazioni, tali a prutezzioni di i zoni naturali induv'eddu cresci è a sensibilisazioni di u publicu à a so impurtanza eculogica, sò nicessarii per assicurà a so sopravvivenza à longu andà.
Rifarimenti
[mudificà | edità a fonte]- Jeanmonod D. & Gamisans J. (2013) Flora Corsica (2 ed), Edisud.
Noti
[mudificà | edità a fonte]- ↑ 'Ss'articulu pruveni in parti da a wikipedia in francesu è in talianu.
Da veda dinò
[mudificà | edità a fonte]- a cità d'Aiacciu
Altri prugetti
[mudificà | edità a fonte]
Juniperus phoenicea annantu à Wikimedia Commons.
