Arba di l'Ascinzioni
Ci sò dui spezii di pianti chì sò cunnisciuti in Corsica com'è l'arba di l'Ascinzioni (o erba di l'Ascensione):
- l'arba di l'Ascinzioni rossa (sedum ceraea)
- l'arba di l'Ascinzioni verdi (sedum stellatum)
U nomu scentificu sedum, veni da a parola latina sedere (seda), chì discrivi u fattu chì l'arba di l'Ascinzioni "sedi" à spessu à mezu à i petri.
'Ssi dui spezii di pianti sò cumuni in Corsica. Hè di tradizioni d'andà à coglia li u ghjornu di l'Ascinzioni, a matina. Si coglini prima ch'eddu si pisessi u soli, incù a so radica. Dopu l'arba di l'Ascinzioni si mettini in casa, appiccata, à capu in ghjò. A pianta campa senza nè terra nè acqua, si ridrizza è fiurisci in San Ghjuvanni, u 24 ghjugnu. Sicondu a tradizioni, s'è l'arba di l'Ascinzioni si ridrizza è fiurisci in una casa, l'annata sarà bona. Hè gattivu inveci s'è a pianta ùn fiurisci micca. L'arba di l'Ascinzioni si cunserva cusì insin'à Sant'Anna, u 26 lugliu.