Barba di Ghjove
| |||||
|---|---|---|---|---|---|
| |||||
| Anthyllis barba-jovis | |||||
| Classifica scentifica | |||||
| Regnu | Plantae | ||||
| Divisione | Magnoliophyta | ||||
| Classa | Magnoliopsida | ||||
| Ordine | Fabales | ||||
| Famiglia | Fabaceae | ||||
| Generu | Anthyllis | ||||
| Nome binuminale | |||||
| Anthyllis barba-jovis Aiton, 1753 | |||||
| |||||
A barba di Ghjove (Anthyllis barba-jovis) hè una pianta vivace appartinendu à a famiglia di i Fabaceae.[1]
Descrizzione
[mudificà | edità a fonte]Frà e numerose spezie d'Anthyllis, a barba di Ghjove hè una di e rare à cresce in quant'è arbustu. Hè una pianta vivace, micca innastulita, incù i rami assai legnosi. Hà i piccioli addirizzati è pò suppurtà e timperature inferiore à zeru, benchì ùn fiurisca ch'è quandu u tempu hè dolce è ch'ella riceve a luce diretta di u sole.
E casce anu un rachide setosu incù i peli bianchi assai corti chì li cunferiscenu una resistenza à u ventu. A faccia dursale hè verde, mentre ch'è a faccia ventrale hà un culore argentatu.
I fiori biancu crema sò ermafroditi è sò raggruppati à l'estremità di i rami. Fiuriscenu da u principiu d'aprile à ghjugnu è sò impollinati da l'insetti.
U fruttu hè una piccula leguminosa incù un solu granellu indrentu.
Distribuzione è ambiente
[mudificà | edità a fonte]A barba di Ghjove hè distribuita in e zone custiere vicinu à e scugliere di u mare annantu à a terra ferma, incù l'altitudine da 0 à 300 metri. Hè per u più prisente in a parte occidentale di u mare Terraniu.
Hè prisente in Corsica, ma solu in u circondu di Bonifaziu è in Capicorsu.
In Italia, benchì ellu si tratta di una spezia rara, omu a trova spargugliata longu à a costa tirrenica, in Sicilia è in Sardegna. Hè più dichjarinata in a Puglia è assai rara in l'altre lucalità di l'Adriatica.
Note
[mudificà | edità a fonte]- ↑ 'Ss'articulu pruvene in parte o in tutalità da l'articulu currispundente di a wikipedia in talianu.