| |||||
---|---|---|---|---|---|
Cephalanthera rubra | |||||
Classifica scentifica | |||||
Regnu | Plantae | ||||
Divisione | Magnoliophyta | ||||
Classa | Liliopsida | ||||
Ordine | Orchidales | ||||
Famiglia | Orchidaceae | ||||
Generu | Cephalanthera | ||||
Nome binuminale | |||||
Cephalanthera rubra ( L. ) Rich. , 1817 | |||||
![]() |
Cephalanthera rubra hè un fiore chì face parte di a famiglia di l'Orchidaceae.[1]
Cephalanthera rubra hè una spezia d'orchidee terranee vivace appartinendu à a famiglia di l'Orchidaceae. 'Ssa pianta erbacea si caratterizeghja da i so fiori à i culori vivi è da un labellu trilobatu appena frangiatu.
E casce di a Cephalanthera rubra sò lanceulate, da verde chjaru à verde scuru, è disposte in spirale longu à u picciolu fiurale. U picciolu, robustu è drittu, pò aghjunghje un'altezza da 20 à 50 centimi.
I fiori sò di regula ragruppati in infiuriscenze lene, cumposte da 3 à 12 fiori. U so culore varieghja da rusulatu pallidu à russicciu, incù un labellu trilobatu. I lobi laterali sò stretti è appena piigati ver'di l'internu, mentre ch'è u lobu cintrale hè più largu è prisenta una margine appena frangiata. I fiori di Cephalanthera rubra sò ermafroditi è sò inamacati da l'ape è altri insetti inamacatori.
Cephalanthera rubra hè per u più prisente in Europa, stindendu si da u punente di a Spagna è Portugallu sinu à a Russia à livante, è dapoi a Scandinavia à nordu insin'à u nordu di l'Africa à u sudu. Omu a trova ancu in certe rigione di l'Asia di u Punente, cum'è a Turchia è u Libanu.
'Ss'orchidea si scontra di regula in e fureste di frunduti è di coniferi, e chjarine, l'arici di fureste è e ricce erbosi. Priferisce e terre bè assiccate, ricche di terricciu è appena acide o neutre, è si sviluppa in zone esposte à meza ombra o à l'ombra. A spezia pò esse truvata à altitudine andendu da u livellu di u mare sinu à à l'incirca 2000 metri.
Cephalanthera rubra hè cunsiderata cum'è una spezia in calata in certe rigione di a so area di ripartizione, per u più per causa di a distruzzione di u so ambiente è di a racolta eccessiva di i so fiori per a decurazione. Misure di cunsirvazione, tale a messa in piazza di riserve naturale è di prugrammi di sensibilisazione à a prutezzione di 'ssa spezia, sò necessarie à locu à locu per prisirvà è risturà e pupulazione di Cephalanthera rubra.
Cephalanthera rubra hè prisente in Corsica.[2]