Torra di Seneca
A torra di Seneca hè una torra di Corsica. Hè situata annantu à a cumuna di Luri, sopra à a bocca di Santa Lucia. Hè stata custruita à u XVesimu seculu da a famiglia da Mare. Seneca, u filosofu è puliticante rumanu, ci saria statu durante u so esiliu in Corsica da u 41 à u 49. L'esiliu di Seneca finì quandu Agrippina, a moglia di l'imperatore Claudiu, riescì à ottene u so ritornu da l'esiliu è u scelsi com'è tutore di u so figlolu di prima lettu, u futuru imperatore Nerone. Ma issa passata di u sughjornu di Seneca in a torra ferma incerta è più probabilmente, Seneca serà statu in Mariana o in Aleria.
U pruprietariu di a torra hè a cumuna di Luri.
Riferimenti
[mudificà | edità a fonte]- Direzzione Regiunale di l'Affari Culturali di Corsica, Prutezzione di e torre genuvese di Corsica Archiviu 2012-05-30 at Archive.today
- A Corsica in la carta geografica di Ptolomeu, Guidu Benigni, Interromania, 2002
- Caporossi, Orsu Ghjuvanni, Cronica di a Corsica Archiviu 2006-06-26 at the Wayback Machine
Ligami
[mudificà | edità a fonte]- Thomas Forester, Rambles in the islands of Sardinia and Corsica, 1858, Londra, P. 34-35 (in inglesu)
- M. Valery, Viaghji in Corsica, à l'isula d'Elba è in Sardegna - Voyages en Corse, à l'île d'Elbe, et en Sardaigne, 1838, Bruxelles, p. 54-56 (in francesu)
'Ssu artìculu hè in custruzzione. Pudete cuntribuisce à a so redazzione.