Виççĕмĕш вырăн (акăл. the third place) — килпе те («пĕрремĕш вырăн»), ĕçпе те («иккĕмĕш вырăн») çыхăнман хулари уçлăхăн пайĕ. Тĕслĕхсем: кафе, клуб, парк, библиотека т. ыт. те. «Виççĕмĕш вырăн» концепцине пĕрремĕш американ социологĕ Рэй Ольденбург (Ray Oldenburg) «The Great Good Place (Oldenburg» кĕнекинче çырса панă. Ольденбург çырнипе, виççĕмĕш вырăн граждансен пĕрлĕхне тата демократие аталантарас ĕçре кирлĕ роле вылять.
Ольденбург «пĕрремĕш вырăн» тесе этем пурăнакан вырăна — киле — палăртать. «Иккĕмĕш вырăн» — çынсем чăннипе нумай вăхăт ирттерекен вырăн — ĕçлев вырăнĕ. Виççĕмĕш вырăн — пĕрлĕх пурнăçĕнчи якорь, ăна пула çынсем пултарулăх енчен пĕр-пĕринпе хутшăнаççĕ[1]. Кил, ĕç, шкул, институт/университет — пĕрремĕш тата иккĕмĕш вырăнсем — индивид пурнăçĕнче приоритетлĕ шутланаççĕ. Виççĕмĕш вырăна вара йăпанăç тата рекреаци ролĕ тивет. Апла пулин те, Ольденбург «виççĕмĕш вырăнсем» социумри, экономикăри тата политикăри кирлĕ функцисене тăваççĕ, тет.
Юлашки çулсенче Раççейре виççĕмĕш вырăн шутне кĕрекен коворкинг тата антикафе анлă сарăлма тытăннă.
Антикафе — тивĕçтерӳшĕн мар, шалта ирттернĕ вăхăтшăн тӳлевлĕ уçлăх. Антикафе ахаль каферен ирĕклĕх степенĕпе уйрăлса тăрать: килекенсем хăйсен апат/ĕçмине (хăйсем килте/ кунта хăтĕрленине) çиме пултараççĕ. Чылай чухне антикафене канма/калаçмашкăн компанипе пыраççĕ. Тăтăшах çакăн пек уçлăхсенче тĕрлĕрен мероприятисене, пысăках мар конференцине ирттереççĕ, фильм кăтартаççĕ.