Кĕсел
Кĕсел тесе икĕ тĕрлĕ апат-çимĕçе калаççĕ:
- çăнăхран (тырăран) тăвакан кĕсел
- улма-çырла кĕселĕ (крахмалтан), — чĕрĕ тата типĕтнĕ улма-çырласенчен, çырла сĕткенĕсемпе шерпечĕсенчен, повидлăран тата ытти çимĕçсенчет те хатĕрлекен апат-çимĕç.
Пĕр-пĕринчен уйăрас тесе, улма çырларна тунине час-часах кĕсел мар, киççел теççĕ.
Хатĕрлесси
[тӳрлет | кодне тӳрлет]Улма-çырла кĕселĕсене хатĕрлеме çĕрулми крахмалĕпе усă кураççĕ. Çăра, çурма çăра тата çурма шĕвĕ кĕселсем хатĕрлеççĕ. Çăра кĕселе порци пуçне 12-15 грамм, вăтам çăра кĕселе 8-10 грамм, çурма шĕвĕ кĕселе 4-7 грамм çĕрулми крахмалĕ каять.
Крахмал усă курни
[тӳрлет | кодне тӳрлет]Кĕсел хатĕрленĕ чух крахмалпа çапла усă курмалла: çĕрулми крахмалне вĕретсе сивĕтнĕ шывра е çырла сĕткенĕнче, е сивĕ сĕтре ирĕлтермелле, ала витĕр сĕрмелле, кĕсел хатĕрлемелли сĕткене пĕр тикĕс ярса, хăвăрт пăтратмалла. Кĕсел кирлĕ таран çăралса çитсен, çăра кĕселе вăйсăр çунакан вут çинче 5-6 минут вĕретсе илмелле, вăтам çăра кĕселе вĕреме кĕриччен кăна ăшăтмалла. Кĕселе ытлашши ăшăтма юрамасть. Ун пек чух вăл тăсăлма пуçлать, кайран шĕвелме тытăнать.
Ярса пани
[тӳрлет | кодне тӳрлет]Кĕселсене сивĕлле, хăй халлĕн тата пудингсемпе запеканкăсем çине ярса параççĕ.
Литература
[тӳрлет | кодне тӳрлет]- Тутлă Апат-Çимĕç. - Шупашкар: Чăваш кĕнеке издательстви, 1982.