Макарони́зм (итал. macaronismo, макарон текен çимĕç ятĕнчен, хресченĕн ахаль апачĕ пек шутланнă вăл, «кухньăри латынь» тенипе танлаштарса пăхмалла) — калаçнă е çырнă чухне урăх тепĕр е темиçе (ытларах чухне — икĕ) чĕлхери сăмахсемпе, майлашусемпе тата пуплерĕшсемпе усă курни. Анчах та çакна ют чĕлхесенчен "официаллă майпа" йышăннă сăмахсемпе усă курнипе пăтраштармалла мар. Çавăн пекех ку шута урăх чĕлхесенчен цитата шучĕпе юри илсе кăтартнă тĕслĕхсене те кĕртме çÿк.