| Профессионал | |
| Le Professionnel | |
| Фильм постерĕ | |
| Жанр | боевик |
|---|---|
| Режиссёр | Жорж Лотнер |
| Тĕп рольсенче |
Робер Оссейн Жан-Поль Бельмондо Сирьель Клэр |
| Композитор | Эннио Морриконе |
| Тăсăлу | 103 мин. |
| Патшалăх | Франци |
| Çул | 1981 |
| IMDb | ID 0082949 |
«Профессионал» (фр. Le Professionnel) — Жорж Лотнерăн боевик, фильмра Жан-Поль Бельмондо тĕп рольте вылять.
Фильмра Эннио Морриконĕн Chi Mai тата Le vent, le cri паллă композицисем шăранаççĕ.
Франци вăрттăн агентне Жослен Бомона Африкăри пĕр çĕршыва Нджала президента вĕлерме яраççĕ. Анчах та юлашки самантра политика лару-тăрăвĕ вичкĕн улшăнать. Нджала франци правительствишĕн кирлĕ тус пулса тăрать. Нджалапа хутшăнăва лайăхлатас тĕлевпе ятарлă хĕсмет Бомона каялла чĕнсе илмест, ăна африкансене сутса ярать; агента чылай çул хушăна тĕрмене хупаççĕ. Хăйне сутакансене тавăрăп тесе, Бомон чăрсăррăн тарать те хăйĕн босĕсем патне кĕске те витĕмлĕ телеграмма ярать. Вăл Францире хăйĕн миссине пурнăçлама — 48 сехет хушшинче официаллă визитпа Париса килнă Нджалана вĕлерме сăмах парать. Çакна тăвас тесен, Бомонăн президента сыхлакан хӳтĕлевçĕсен темиçе карти витĕр «каçмалла». Вăл тăр-пĕчченех сак ĕçпе тăрмашса пурне те хăй чăн профессионал пулнине кăтартасшăн.
