Сакура

Сакура (японла - иероглиф:桜 е 櫻; катакана: サクラ) - Японире Кореяра, Китайра ӳсекен чие йывăççи (Prunus serrulata).

Ят пулăвĕ

Сакура сăмаха палăртакан иероглиф 桜 виçĕ пайран тăрать: сулахайра – йывăç (木), сылтăмра – çӳлти виç йĕр тата хĕрарăм (女). Çак сăмах 咲く(саку) çеçкелен глаголран пулса кайнă текен верси пур. Япон сăмахĕ тĕрлĕ чĕлхене кĕнĕ. Латин ячĕ Prunus Слива тенине пĕлтерет(тавраш ячĕ), serrulata вĕтĕ шăллă тенине(çулçă хĕрринчи шăлĕсем вĕтĕ).

Ӳсентăран пĕлĕвĕн информацийĕ

Сакура – çулçă тăкан ытла пысăках мар йывăç(8-12 м çӳллĕ), пĕр вулăллă, çăра кроналлă. Хуппи яка, хăмăр тĕслĕ. Çулçăсем тăрăхла çаврака, вăрăмăшĕ – 5-13 см, сарлакăшĕ – 2,5-6,5см, аври кĕске; турат çинче ылмашăнса вырăнаçнă. Çулçă хĕрри вĕтĕ шăллă. Тĕттĕм симĕс тĕслĕ çулçăсем кĕр вĕçĕнче сарă, хĕрлĕ е тĕксĕм хĕрлĕ пулса тараççĕ. Çеçке – икĕ-пилĕк чечекрен тăракан сапаксем. Çуркунне çĕнĕ çулçисем кăларнă чух сакура йывăççи чечекĕсем те кăларать. Чечек лепестокĕсем(5) шурă е кĕрен тĕслĕ. Чăмăркка çимĕç хура тĕслĕ, диаметрĕ – 8-10 мм. Вăрри шăмăллă.

Галерея

Çĕçкере ларакан йывăçăн пĕтĕмĕшле курăнăвĕ

Çулçăсем

Чечексем

• 
  Кандзан сорчĕн папакĕсем
• 
  Çĕçке(çывăхран пăхсан)
•