Baner Shetland

Baner Shetland
Llun o'r faner yn cyhwfan yn Unst

Dyluniwyd baner Shetland gan Roy Grønneberg a Bill Adams ym 1969. Fe'i crëwyd yn answyddogol i goffáu pumcanmlwyddiant trosglwyddiad yr ynysoedd o Norwy i Deyrnas yr Alban a'r pum can mlynedd cyn hynny yn rhan o Norwy.[1]

Cydnabuwyd hi gan Lys yr Arglwydd Lyon, awdurdod herodraeth yr Alban, ar 1 Chwefror 2005[2], mewn pryd i Gemau'r Ynysoedd ym mis Gorffennaf 2005 yn Shetland[3]. Fe'i mabwysiadwyd yn swyddogol ynghyd â disgrifiad ohoni gan Cyngor Ynysoedd Shetland ar 13 Rhagfyr 2006. Ar yr un pryd y datganwyd mai 3:5 fyddai'r cyfrannedd a bod y meysydd i'r hòs yn sgwâr fel baneri Norwy, Gwlad yr Iâ a Ynysoedd Ffaröe. Cyn 2006 roedd y meysydd i'r hòs fel arfer yn betryal. Mae lled y barrau 1/6 uchder y faner, sy'n creu cyfraneddau o 5:2:5, 5:2:13.

Mae'r faner yn defnyddio lliwiau baner yr Alban, ond yn ffurf y groes Nordig er mwyn symboleiddio cysylltiadau hanesyddol a diwylliannol Shetland â'r gwledydd Nordig. Gwrthwyneb baner y Ffindir yw ei lliwiau a'i dyfais.

Defnyddir y faner yn eang gan bobl Shetland ar dir a môr ac fe'i hystyrir yn symbol hunaniaeth arbennig Shetland.

Cyflwynwydd Diwrnod Baner Shetland ar Alban Hefin 2007. Mae Cyngor Ynysoedd Shetland yn gobeithio defnyddio'r diwrnod hwn i ddathlu "popeth sy'n ymwneud â Shetland".[4]

Mae'r faner bron yn union debyg i hen faner answyddogol Gwlad yr Iâ, yr Hvítbláinn, a ddefnyddiai cenedlaetholwyr yng Ngwlad yr Iâ o 1897 hyd 1915. Rhoddwyd y gorau i'w defnyddio'n rhannol oherwydd ei thebygrwydd i faner Gwlad Groeg a baner Sweden, ac roedd rhai yn meddwl y byddai'n anodd eu gwahaniaethu ar y môr a oedd yn beth pwysig adeg y Rhyfel Byd Cyntaf. Mae'r faner wen a glas yn dal i gael ei defnyddio gan Gymdeithas Ieuenctid Gwlad yr Iâ.

Cyfeiriadau

[golygu | golygu cod]
  1. ↑ Shetland Islands (United Kingdom)
  2. ↑ http://www.shetland-news.co.uk/archives/pages/news%20stories/2005/02_2005/shetland%E2%80%99s_flag_now_official.htm[dolen farw]
  3. ↑ "IGA - Games Profile 2001". Archifwyd o'r gwreiddiol ar 2007-10-17. Cyrchwyd 2014-02-27.
  4. ↑ Article from shetlandtoday on Shetland Flag Day

Gweler hefyd

[golygu | golygu cod]


gw • sg • go
Baneri Ewrop
Gwladwriaethau sofranaidd
Gwladwriaethau trawsgyfandirol

Armenia1 · Aserbaijan2 · Cyprus1 · Georgia2 · Casachstan3 · Rwsia3 · Twrci3

Tiriogaethau dibynnol,
ardaloedd ymreolaethol,
a thiriogaethau eraill
Dynodir gwlad anghydnabyddedig neu a gydnabyddir yn rhannol gan lythrennau italig.
1 Yn Ne Orllewin Asia yn gyfan gwbwl.  2 Yn rhannol neu'n gyfan gwbwl yn Asia, yn dibynnu ar ddiffiniadau'r ffiniau rhwng Ewrop ac Asia.  3 Gyda'r mwyafrif o'i thir yn Asia.  4 Ar Blât Affrica.  5 Ar Blât Gogledd America.
Eginyn erthygl sydd uchod am Yr Alban. Gallwch helpu Wicipedia drwy ychwanegu ato