Bhujangasana (Y Cobra)

Bhujangasana

Enghraifft o:	asanas ymestyn
Math	asanas lledorwedd, ioga Hatha
Ffeiliau perthnasol ar Gomin Wicimedia

Asana, neu osgo'r corff o fewn ymarferion ioga yw Bhujangasana (Sansgrit: भुजंगासन; IAST: Bhujaṅgāsana) neu'r Cobra^[1]. Gelwir y math hwn y osgo yn gefnblyg ac yn asana lledorwedd.

Fe'i ceir o fewn ioga hatha ac ioga modern fel ymarfer corff^[2] a chaiff ei berfformio'n aml mewn cylch o asanas yn Surya Namaskar (Cyfarchiad i'r Haul) fel dewis arall yn lle Urdhva Mukha Svanasana (Ci ar i Fyny).

Geirdarddiad

Mae'r osgo yma wedi'i enwi oherwydd ei fod yn debyg i gobra gyda'i gwfl wedi'i godi

Daw'r enw o'r geiriau Sansgrit भुजंग bhujaṅga, "neidr" neu "gobra" a आसन āsana, "osgo" neu " siap y corff". Awgrymir y tebygrwydd rhwng cobra gyda'i chwfl wedi'i godi a siap yr asana hwn. Disgrifiwyd Bhujangasana yn y testun ioga hatha yn y 17g a elwir yn <a href="https://en.wikipedia.org/wiki/Gheranda_Samhita" rel="mw:ExtLink" title="Gheranda Samhita" class="cx-link" data-linkid="20">Gheranda Samhita</a>, pennod 2, adnodau 42-43. Yn y 19g Sritattvanidhi, mae'r asana'n cael ei enwi'n Sarpasana, sy'n golygu 'y Sarff'.^[3]

Amrywiad, gyda chefnblyg llai eithafol

Mae'r osgo yma'n dilyn yr Adho Mukha Svanasana (Ci ar i Lawr). Rhoddir y cledrau o dan yr ysgwyddau, gan wthio i lawr nes bod y cluniau'n codi ychydig. Mae cefnau'r traed yn gorffwys ar y llawr, y coesau'n ymestyn; mae trem yr iogi yn syth ymlaen. Ar gyfer yr asana llawn, mae'r cefn yn fwaog (fel bwa) nes bod y breichiau'n syth, a'r canolbwyntio, y tro hwn, yn cael ei gyfeirio'n syth i fyny neu ychydig yn ôl. Mae'r coesau'n aros ar y llawr, yn wahanol i Urdhva Mukha Shvanasana (Ci ar i Fyny)^[4]

Mae Bhujangasana yn rhan o'r dilyniant o asanas ioga mewn rhai mathau o Surya Namaskar, Cyfarchiad i'r Haul.^[5]

Amrywiadau

Asana'r Sffincs, amrywiad haws, ac un o asanas Ioga Yin

Padma bhujangasana

Amrywiad haws yw Asana'r Sffincs, a elwir weithiau'n Salamba Bhujangasana (षलम्ब भुजंगासन),^[6] lle mae'r eliniau'n (forearms) yn gorffwys ar y llawr, a'r asgwrn cefn yn fwy gwasatd, gyda llai o dro.^[7] Fe'i defnyddir o fewn Ioga Yin, naill ai gyda'r eliniau ar y ddaear neu gyda'r breichiau wedi'u sythu.^[8]"Sphinx & Seal". Yin Yoga. Cyrchwyd 26 Gorffennaf 2019.</ref>

Gall uwch-ymarferwyr blygu'r coesau i mewn i Padmasana (Safle Lotws).^[8]

Gellir addasu osgo'r corff, er enghraifft, yn ystod beichiogrwydd, trwy osod blanced o dan y pelfis.^[8]

Gweler hefyd

• Rhestr o asanas
• Urdhva Mukha Shvanasana (Ci ar i Fyny) cefnblyg lled-orweddol tebyg

Llyfryddiaeth

• Iyengar, B. K. S. (1979) [1966]. Light on Yoga: Yoga Dipika. Unwin Paperbacks. ISBN 978-1855381667.
• Jain, Andrea (2015). Selling Yoga : from Counterculture to Pop culture. Oxford University Press. ISBN 978-0-19-939024-3. OCLC 878953765.
• Newcombe, Suzanne (2019). Yoga in Britain: Stretching Spirituality and Educating Yogis. Bristol, England: Equinox Publishing. ISBN 978-1-78179-661-0.

Cyfeiriadau

1. YJ Editors (28 Mai 2007). "Cobra Pose". Yoga Journal.
2. How To Do Cobra Pose https://www.verywell.com/cobra-pose-bhujangasana-3567067 Archifwyd 2017-10-19 yn y Peiriant Wayback
3. Sjoman, Norman E. (1999) [1996]. The Yoga Tradition of the Mysore Palace (arg. 2nd). Abhinav Publications. t. 71. ISBN 81-7017-389-2.
4. Iyengar, B. K. S. (1979) [1966]. Light on Yoga. Schocken. tt. 107–108, 396–397. ISBN 0-8052-1031-8.
5. "Surya Namaskara". Divine Life Society. 2011. Cyrchwyd 19 Gorffennaf 2019.
6. "Sphinx Pose -Salamba Bhujangasana". Ekhart Yoga. Cyrchwyd 4 Chwefror 2019.
7. YJ Editors (28 Awst 2007). "Sphinx Pose". Yoga Journal. Cyrchwyd 4 Chwefror 2019. Sphinx Pose is the infant of backbends.
8. "Sphinx & Seal". Yin Yoga. Cyrchwyd 26 Gorffennaf 2019."Sphinx & Seal". Yin Yoga. Retrieved 26 July 2019.