Coleg Gŵyr Abertawe

Coleg Gŵyr Abertawe

Enghraifft o'r canlynol	coleg
Dechrau/Sefydlu	2010
Rhanbarth	Abertawe
Gwefan	http://www.gcs.ac.uk/

Coleg Gŵyr Abertawe ( Saesneg: Gower College Swansea) yn goleg addysg bellach yn Abertawe, Cymru . Fe'i ffurfiwyd yn 2010 trwy uno Coleg Gorseinon a Choleg Abertawe . ^{[1] [2]} Daeth Mark Jones, cyn brifathro Coleg Penybont, yn brifathro ym mis Gorffennaf 2013 ^[3] Goruchwylir y coleg gan ugain o lywodraethwyr sy'n ffurfio Bwrdd y Gorfforaeth. ^[4] Mae'r coleg yn rhan o rwydwaith y sector, ColegauCymru.

Campysau

Sgwrs yng Ngholeg Gŵyr yn 2015

Mae Coleg Gŵyr yn darparu addysg bellach a chyrsiau hyfforddi eraill o sawl campws a lleoliad yn yr ardal. Mae gan y coleg pum campws:^[5]

• Gorseinon
• Tycoch - sy'n cynnwys y Ganolfan Chwaraeon a bwyty Vanilla Pod
• Llys Jiwbilî
• Llwyn y Bryn
• Neuadd Sgeti
• Ffordd y Brenin (hyb cyflogaeth)

Canlyniadau arholiadau

Yn 2021, adroddodd Coleg Gŵyr fod y gyfradd lwyddo Safon Uwch gyffredinol yn 99%, sy’n uwch na chyfartaledd cenedlaethol Cymru. O'r rhain, roedd 43% ar y graddau uwch o A* i A, 70% ar A*-B, ac 88% ar raddau A*-C. ^[6]

Academïau Chwaraeon

Mae gan y coleg nifer o academïau chwaraeon sy'n galluogi myfyrwyr amser llawn i ddatblygu medrau mewn pêl-droed, rygbi, pêl-rwyd, hoci a chriced. Mae ysgoloriaethau chwaraeon ar gael. ^[7]

Cyrsiau addysg uwch

Mae'r coleg yn cynnig y cyrsiau addysg uwch canlynol: ^[8]

Graddau Sylfaen

• Gwyddor Ddadansoddol a Fforensig
• Gofal a Chymorth
• Plentyndod Cynnar
• Rheoli TG ar gyfer Busnes
• Addysg, Dysgu a Datblygu
• Saesneg a Hanes
• Tai a Chymunedau Cynaliadwy
• Datblygu a Rheoli Chwaraeon

Tystysgrifau a Diplomâu Cenedlaethol Uwch

• HNC a HND mewn Gwasanaethau Adeiladu
• HND mewn Busnes a Chyfrifyddiaeth
• HND mewn Systemau Cyfrifiadurol a Gwybodaeth
• HNC a HND mewn Peirianneg Drydanol/Electronig
• HND mewn Peirianneg Drydanol
• HNC a HND mewn Peirianneg Fecanyddol

Arall

• Tystysgrif Broffesiynol mewn Addysg i Raddedigion
• Addysg a Hyfforddiant Ôl-orfodol Tystysgrif
• Diploma mewn Arweinyddiaeth ar gyfer Gofal, Dysgu a Datblygiad Plant (Arfer Uwch)

Coleg Gŵyr Abertawe a'r Gymraeg

Myfyrwyr yn y Coleg (2015)

Saesneg yw prif iaith cyfrwng dysgu y Coleg ond ceir ymrywiad yn unol gyda Safonau’r Gymraeg wyddfa Comisynydd y Gymraeg i roi mynediad cyfartal i wasanaethau a phrofiadau i staff, myfyrwyr ac ymwelwyr sy’n siarad Cymraeg. Yn ôl ei gwefan, nod y Coleg yw "hybu dimensiwn Cymreig, meithrin ethos Cymreig a chefnogi addysg a diwylliant drwy gyfrwng y Gymraeg. Rydym yn ceisio gwneud y Gymraeg yn rhan gwbl naturiol o’r Coleg". Mae Coleg Gŵyr Abertawe, gyda'r Coleg Cymraeg Cenedlaethol, hefyd yn datblygu modiwlau a darpariaeth Cymraeg mewn rhai meysydd.^[9] Dylid nodi bod ysgolion cyfrwng Cymraeg Sir Dinas Abertawe yn cydweithio i gynnig addysg Lefel A yn y Gymraeg ar draws y gwahanol ysgolion.

Cyrsiau yn y Gymraeg

Ceir amrywiaeth o gyrsiau yn y Gymraeg y rhan fwyaf yn alwedigaethol ac yn brentisiaethau.

Maent yn cynnwys: ^[10]

Arholiadau Addysg Gorfforol Coginio Iechyd a Gofal Cymdeithasol / Y Blynyddoedd Cynnar / Gofal Plant Chwaraeon, Gwyddor Chwaraeon ac Ymarfer Corff Gofal, Dysgu a Datblygiad Plant Gwyddor Chwaraeon ac Ymarfer Corff Mynediad i Nyrsio a’r Proffesiynau Iechyd Technegau Arbenigol Harddwch Prentisiaethau: Prentisiaeth Sylfaen Gofal, Dysgu a Datblygiad Plant Gosod Systemau ac Offer Electrodechnegol ​ Arweinyddiaeth ar gyfer Gofal, Dysgu a Datblygiad Plant

Systemau Diogelwch ac Argyfwng Electronig Cefnogi Dysgu ac Addysgu mewn Ysgolion Technegwyr Labordy a Gwyddoniaeth Gwaith Coed a Saernïaeth Gorffennu Addurniadol a Pheintio Diwydiannol Gorffennu Addurniadol – Peintio ac Addurno Galwedigaethau Trywel (Gwaith Briciau) Prentisiaeth Sylfaen Gwaith Coed Safle Galwedigaethau Trywel (Gwaith Briciau) Uwch Gwasanaeth Cwsmeriaid Gweithrediadau Cynnal a Chadw (Adeiladu)

Elusen y coleg

Sefydlwyd Prosiect Addysg Gymunedol Kenya ^[11] yn 2003 ac fe'i rhedir gan fyfyrwyr y coleg. Nod y prosiect hwn yw codi arian i gynnal rhaglen fwydo ar gyfer dros 120 o ddisgyblion tlotaf Ysgol Gynradd Madungu yn Cenia. Yn ogystal, mae'n anelu at dalu cyflogau dau athro a chyflenwi deunyddiau addysgol amrywiol iddynt. Mae'r coleg yn cynnal Diwrnod Prosiect Kenya yn flynyddol ond mae codi arian yn parhau trwy gydol y flwyddyn.

Mae myfyrwyr yn cymryd rhan yn y Cannock Chase Walk flynyddol ^[12] i godi arian yn ogystal â digwyddiadau amrywiol trwy gydol y flwyddyn. Er enghraifft, Dip Walrws. ^[13]

Mae aelodau'r prosiect yn cael cyfle i fynd i ysgol Kenya bob yn ail flwyddyn.

Mae Cymdeithas Islamaidd y coleg wedi ffurfio elusen ar gyfer Islamic Relief, sy'n codi arian am wythnos bob mis Tachwedd. 

Cyfeiriadau

1. "Swansea College - News - 5 February 2010". Archifwyd o'r gwreiddiol ar 10 February 2010. Cyrchwyd 8 February 2010.
2. New name for merged Gorseinon and Swansea colleges - News report 5 February 2010
3. "Bay | Gower College Swansea".
4. "Governance". Gower College Swansea. Archifwyd o'r gwreiddiol ar 2014-09-24. Cyrchwyd 2023-05-31.
5. "Ein campysau a'n cyfleusterau". Gwefan Coleg Gŵyr Abertaew. Cyrchwyd 31 Mai 2023.
6. "Students celebrate fantastic exam results for 2021 | Gower College Swansea". www.gcs.ac.uk. Cyrchwyd 2023-01-24.
7. "College Sports Academies". Gower College Swansea. Archifwyd o'r gwreiddiol ar 2015-03-18. Cyrchwyd 18 September 2016.
8. "Gower College Swansea, HE Options". Archifwyd o'r gwreiddiol ar 2014-09-24. Cyrchwyd 2023-05-31.
9. "Defnyddio'r Gymraeg yn y Coleg | Gower College Swansea". www.gcs.ac.uk. Archifwyd o'r gwreiddiol ar 2023-05-31. Cyrchwyd 2023-05-31.
10. "Cyrsiau sydd ar gael yn Gymraeg | Gower College Swansea". www.gcs.ac.uk. Archifwyd o'r gwreiddiol ar 2023-05-31. Cyrchwyd 2023-05-31.
11. "Kenya Community Education Project". Archifwyd o'r gwreiddiol ar 2023-05-31. Cyrchwyd 2023-05-31.
12. "Swansea: The latest news, sport, what's on and business from Swansea and Gower".
13. "Swansea: The latest news, sport, what's on and business from Swansea and Gower".

Dolenni allanol

• Gwefan y Coleg (Cymraeg)
• Cymraeg Coleg Gŵyr Abertawe Twitter @ColGwyrAbertawe