Cyfoeth Naturiol Cymru
 | |
| Sefydlwyd | 1 Ebrill 2013 |
|---|---|
| Math | Corff a Noddir gan Lywodraeth Cymru |
| Pwrpas | Gwarchod yr amgylchedd a rheoleiddio; cynnal adnoddau naturiol |
| Pencadlys | Tŷ Cambria, Ffordd Casnewydd, Caerdydd |
Rhanbarth a wasanethir |  Cymru |
Prif Weithredwr | Clare Pillman (Chwefror 2018-) |
| Cysylltir gyda | Llywodraeth Cymru |
| Gwefan | Cyfoeth Naturiol Cymru |
Sefydlwyd Cyfoeth Naturiol Cymru (Saesneg: Natural Resources Wales) sy'n gorff a gaiff ei ariannu gan Lywodraeth Cymru ar 1 Ebrill 2013[1] pan unwyd y gwaith o reoli adnoddau naturiol Cymru. Mae'n dod â gwaith tri chorff a oedd yn bodoli cyn hyn at ei gilydd: Cyngor Cefn Gwlad Cymru, Asiantaeth yr Amgylchedd Cymru, a'r Comisiwn Coedwigaeth a pheth gwaith a arferid ei wneud gan Lywodraeth Cymru.[2] Y Prif Weithredwr yw Clare Pillman[3] a'r Cadeirydd ers Tachwedd 2015 yw Diane McCrea, sy'n dilyn yr Athro Peter Matthews a Madeleine Havard yn ddirprwy.[4][5]
Mae'n Gorff Cyhoeddus Anadrannol.
Honnodd Llywodraeth Cymru y byddai'r corff newydd hwn arbed £158 miliwn dros gyfnod o ddeg mlynedd.[6] Un pryder a leisiwyd gan swyddogion yr adran goedwigaeth oedd y byddai eu llais yn cael ei foddio o dan y drefn newydd.[7]
Cyfoeth Naturiol Cymru yw’r corff mwyaf a noddir gan Lywodraeth Cymru; mae’n cyflogi oddeutu 1,900 o staff ledled Cymru, gyda chyllideb o £180 miliwn yn 2016.
Prif weithredwyr
[golygu | golygu cod]Dr Emyr Roberts oedd prif weithredwr cyntaf y corff ac ymddeolodd yn Hydref 2017 gyda Kevin Ingram, y cyfarwyddwr cyllid yn gwneud ei waith dros dro. Penodwyd Clare Pillman fel prif weithredwr newydd cychwynnodd ar ei gwaith yn Chwefror 2018.[8]
Cadeiryddion
[golygu | golygu cod]Yr Athro Peter Matthews oedd cadeirydd cyntaf y corff [4] Penodwyd Diane McCrea fel cadeirydd newydd yn 2015 ond ymddiswyddodd ym mis Gorffennaf 2018 yn dilyn adroddiad gan yr Archwilydd Cyffredinol yn dweud bod cytundebau'r corff i werthu pren yn anghyfreithiol.[9]
Polisi drws agored
[golygu | golygu cod]Yn 2016, newidiodd ei bolisi trwyddedu adnoddau megis fideos i drwydded agored Comin Creu (CC-BY-SA).
Gweithdrefnau rheoli
[golygu | golygu cod]Mae gorchwyl gwaith CNC yn cynnwys dros 40 math o orchwylion rheoli sydd wedi'u hetifeddu ganddynt. Maent yn cynnwys:[10]
- clustnodi a chaniatáu Safleoedd o Ddiddordeb Gwyddonol Arbennig (SSSIs)
- deunydd ymbelydrol: niwclear ac fel arall
- trwyddedu rhywogaethau a warchodir dan ddeddfau Ewropeaidd
- trwyddedu morwrol
- trwyddedu torri coed
- rheoli'r defnydd o ddŵr a llifogydd
- rheoli gwastraff a phacio yn sgil cynlluniau cyfnewid Ewropeaidd
- pysgodfeydd masnachol: llysywod, eog a physgod cregyn
- rheoli cyfyngiadau a nodi lleoliadau tir agored dan Ddeddf Hawliau Tramwyo, 2000
- diwydiant trwm
Cyfeiriadau
[golygu | golygu cod]- ↑ "Amserlen". Llywodraeth Cymru. Archifwyd o'r gwreiddiol ar 2012-04-05. Cyrchwyd 25 Hydref 2012.
- ↑ "Single Body". Llywodraeth Cymru. Archifwyd o'r gwreiddiol ar 2014-05-31. Cyrchwyd 25 Hydref 2012.
- ↑ "Chief executive named for merged environmental body". BBC News. 6 Hydref 2012. Cyrchwyd 25 Hydref 2012.
- ↑ 4.0 4.1 "Environment body chairman promises efficient service". BBC News. 1 Awst 2012. Cyrchwyd 25 Hydref 2012.
- ↑ Gwefan Cyfoeth Naturiol Cymru; Archifwyd 2016-05-14 yn y Peiriant Wayback adalwyd 28 Ebrill 2016.
- ↑ "One environment body will save £158m - Welsh government". BBC News. 29 Tachwedd 2011. Cyrchwyd 25 Hydref 2012.
- ↑ "Forestry concern as minister names natural resources body". BBC News. 25 Hydref 2012. Cyrchwyd 25 Hydref 2012.
- ↑ Penodi prif weithredwr newydd Cyfoeth Naturiol Cymru , BBC Cymru, 31 Hydref 2017.
- ↑ Cadeirydd Cyfoeth Naturiol Cymru yn ymddiswyddo , BBC Cymru, 9 Gorffennaf 2018. Cyrchwyd ar 20 Gorffennaf 2018.
- ↑ "Cyfoeth Naturiol Cymru / Cyfrifoldebau Rheoleiddio". Archifwyd o'r gwreiddiol ar 2013-10-13. Cyrchwyd 2014-05-05.
