Donald Winch

Donald Winch
Ganwyd	15 Ebrill 1935  Fulham
Bu farw	12 Mehefin 2017
Dinasyddiaeth	y Deyrnas Unedig
Alma mater	Ysgol Economeg Llundain Prifysgol Princeton Sutton Grammar School
ymgynghorydd y doethor	Jacob Viner
Galwedigaeth	economegydd
Cyflogwr	Prifysgol Caeredin Prifysgol Califfornia, Berkeley Prifysgol Sussex
Gwobr/au	Cymrawd y Gymdeithas Hanesyddol Frenhinol, Cymrawd yr Academi Brydeinig

Hanesydd economaidd o Loegr oedd Donald Norman Winch (15 Ebrill 1935 – 12 Mehefin 2017).^[1]

Ganwyd yn Llundain, a chafodd ei addysg yn Ysgol Ramadeg Sutton. Astudiodd yn Ysgol Economeg Llundain (LSE) ac enillodd ei ddoethuriaeth o Brifysgol Princeton. Addysgodd ym Mhrifysgol Califfornia, Berkeley am flwyddyn cyn iddo ddychwelyd i Brydain i ddarlithio ar bwnc economeg ym Mhrifysgol Caeredin ac yna Prifysgol Sussex. Cyhoeddwyd ei lyfr cyntaf, Classical Political Economy and Colonies, ym 1965. O 1969 hyd 2000, Winch oedd athro hanes meddwl economaidd ym Mhrifysgol Sussex. Ymhlith ei lyfrau eraill mae Economics and Policy (1969), Adam Smith's Politics (1978), That Noble Science of Politics: A Study in Nineteenth-Century Intellectual History (gyda John Burrow a Stefan Collini; 1983), Riches and Poverty: An Intellectual History of Political Economy in Britain, 1750-1834 (1996), a Wealth and Life: Essays on the Intellectual History of Political Economy in Britain, 1848-1914 (2009). Ysgrifennodd hefyd Malthus: A Very Short Introduction yng nghyfres Gwasg Prifysgol Rhydychen yn 2013.

Etholwyd yn aelod o'r Academi Brydeinig ym 1986, ac roedd yn ysgrifennydd cyhoeddi'r Gymdeithas Economaidd Frenhinol o 1971 i 2016.

Cyfeiriadau

1. (Saesneg) Stefan Collini. Donald Winch obituary, The Guardian (23 Mehefin 2017). Adalwyd ar 23 Mehefin 2017.