Edmund Mortimer

Mae'r erthygl yma yn cyfeirio at Edmund Mortimer (1376-1409) fu mewn cynghrair gyda Owain Glyn Dŵr. Am bobl eraill o'r un enw, gweler Mortimer (teulu)

Edmund Mortimer
Ganwyd	9 Tachwedd 1376  Llwydlo
Bu farw	Chwefror 1411  Gwynedd
Dinasyddiaeth	Teyrnas Lloegr
Galwedigaeth	llenor
Tad	Edmund Mortimer, 3ydd Iarll y Mers
Mam	Philippa
Priod	Catrin ferch Owain Glyn Dŵr
Plant	Lionel de Mortimer, merch ddienw drwy Mortimer, merch ddi-enw drwy Mortimer
Llinach	Teulu Mortimer

Roedd Edmund Mortimer (9 Tachwedd, 1376 - 1409?) yn ail fab i Edmund Mortimer, 3ydd Iarll y Mers a'i wraig Philippa Plantagenet. Fel ŵyr i Lionel o Antwerp, roedd yn ddisgynnydd i Edward III, brenin Lloegr ac yn gefnder i Harri IV, brenin Lloegr. Gan fod taid Edmund yn drydydd mab i Edward III, tra'r oedd tad Harri yn bedwaredd mab iddo, gallai hawlio coron Lloegr.

Bywgraffiad

Ganed Edmund Mortimer yng nghastell Llwydlo. Pan ddechreuodd gwrthryfel Owain Glyn Dŵr, ymladdodd Mortimer dros Harri IV, ond gorchfygwyd ef gan Owain ym Mrwydr Bryn Glas a'i gymeryd yn garcharor. Nid oedd y brenin ar frys i dalu am ei ryddhau, a gwnaeth Mortimer gytundeb ag Owain, gan briodi ei ferch Catrin. Credir iddynt gael pedwar o blant. Gwnaeth Mortimer ag Owain gytundeb gyda Henry Percy, Iarll 1af Northumberland, i ddiorseddu Harri IV a rhannu'r deyrnas rhyngddynt, y Cytundeb Tridarn. Bu farw Edmund yn ystod gwarchae ar Gastell Harlech gan fyddin dan Harri, mab Harri IV.

Ceir manylion am lawer o'r digwyddiadau hyn yng nghronicl Adda o Frynbuga.

Llinach

Phylip Hanmer

Syr David Hanmer Cefnogi OGD m. 1387

Angharad merch Llywelyn Ddu

Owain Glyn Dŵr Tywysog Cymru

Margaret Hanmer 1370 – tua 1420)

John Cefnogi OGD

Phylip Cefnogi OGD

Gruffudd Cefnogi OGD

Gruffudd m. 1411

Maredudd Yn dal yn fyw yn 1417

Catrin ferch Owain Glyn Dŵr m. 1413

Edmund Mortimer Cefnogi OGD m. 1409

Roger Mortimer Iarll y Mers m 1398

Cyfeiriadau