Elin Jones
| Elin Jones AS | |
|---|---|
.jpg) | |
| Llywydd Senedd Cymru | |
Deiliad | |
| Cychwyn y swydd 11 Mai 2016 | |
| Dirprwy | Ann Jones |
| Rhagflaenwyd gan | Rosemary Butler |
| Comisiynwr y Senedd | |
| Yn ei swydd 9 Mehefin 2007 – 18 Medi 2007 | |
| Prif Weinidog | Rhodri Morgan |
| Rhagflaenwyd gan | Creuwyd y swydd |
| Aelod o Senedd Cymru dros Geredigion | |
Deiliad | |
| Cychwyn y swydd 6 Mai 1999 | |
| Rhagflaenwyd gan | Creuwyd y swydd |
| Mwyafrif | 2,408 (8.2%) |
| Manylion personol | |
| Ganwyd | 1 Medi 1966 Llanbedr Pont Steffan |
| Plaid wleidyddol | Plaid Cymru |
| Alma mater | Prifysgol Caerdydd Prifysgol Aberystwyth |
Gwleidydd o Gymru ac aelod o Blaid Cymru yw Elin Jones (ganed 1 Medi 1966). Mae'n Aelod o'r Senedd dros etholaeth Ceredigion ers dyfodiad y Cynulliad yn 1999. Hi yw Llywydd y Senedd ers 11 Mai 2016.
Bywyd cynnar ac addysg
[golygu | golygu cod]Magwyd Elin Jones ar fferm yn Llanwnnen, ger Llanbedr Pont Steffan. Mynychodd Ysgol Gynradd Llanwnnen ac Ysgol Gyfun Llanbedr Pont Steffan, aeth ymlaen i Brifysgol Cymru, Caerdydd gan raddio gyda BSc mewn Economeg cyn dychwelyd i Geredigion i fynychu Prifysgol Cymru, Aberystwyth a dilyn ôl-radd MSc mewn Economeg Amaethyddol. Roedd Elin yn aelod o'r grwp 'Cwlwm'.[1]
Gyrfa
[golygu | golygu cod]Cyflogwyd hi am gyfnod fel Swyddog Datblygu Economaidd i Fwrdd Datblygu Cymru Wledig a chyn-gyfarwyddwr Radio Ceredigion a chwmni cynhyrchu teledu Wes Glei Cyf..[2]
Rhwng 1992 a 1999, roedd yn aelod o Gyngor Tref Aberystwyth, gan ddod yn Maer ieuengaf Aberystwyth yn nhymor 1997–1998.
Y Cynulliad/Senedd
[golygu | golygu cod]Etholwyd Elin yn Aelod Cynulliad Ceredigion yn etholiadau cyntaf y Cynulliad yn 1999, a bu'n Weinidog yr Wrthblaid dros Ddatblygu Economaidd yn ystod y tymor cyntaf. Aeth ymlaen i fod yn Gadeirydd Cenedlaethol Plaid Cymru rhwng 2000 a 2002. Deliodd yr un swyddi hyd 2006 pan benodwyd hi'n Weinidog yr Wrthblaid dros yr Amgylchedd, Cynllunio a Chefn gwlad. Apwyntiwyd Elin yn Weinidog dros Cefn gwlad ar 9 Gorffennaf 2007, pan ffurfiwyd Llywodraeth Cymru'n un.[2]
Yng nghyfarfod cyntaf y Pumed Cynulliad ar 11 Mai 2016 fe'i enwebwyd am swydd Llywydd y Cynulliad ynghyd â Dafydd Elis-Thomas. Yn dilyn pleidlais gudd, fe'i etholwyd yn Llywydd gyda 35 pleidlais i 25.[3]
Cyfeiriadau
[golygu | golygu cod]- ↑ Hafina Clwyd, Rhywbeth Bob Dydd (Gwasg Carreg Gwalch, 2008), t. 79
- ↑ 2.0 2.1 Ychydig mwy am Elin. elinjones.com.
- ↑ Penodi Elin Jones yn Llywydd newydd y Cynulliad , BBC Cymru Fyw, 11 Mai 2016.
Dolenni allanol
[golygu | golygu cod]- Gwefan swyddogol Archifwyd 2010-10-02 yn y Peiriant Wayback
| Cynulliad Cenedlaethol Cymru | ||
|---|---|---|
| Rhagflaenydd: sedd newydd |
Aelod o'r Senedd dros Geredigion 1999 – presennol |
Olynydd: deiliad |
| Seddi'r cynulliad | ||
| Rhagflaenydd: Rosemary Butler |
Llywydd Senedd Cymru 2016 – presennol |
Olynydd: deiliad |