Gwaelod-y-garth
 | |
| Math | pentref  |
|---|---|
| Daearyddiaeth | |
| Sir | Dinas a Sir Caerdydd |
| Gwlad | y Deyrnas Unedig |
| Cyfesurynnau | 51.5472°N 3.2766°W |
| Cod OS | ST214824 |
| Cod post | CF15 |
 | |
Pentref ger Caerdydd yw Gwaelod-y-garth (
ynganiad ), ym mhlwyf Pentyrch. Mae wedi bod yn rhan o Ddinas Caerdydd ers 1996 a bu'n rhan o sir Morgannwg Ganol rhwng 1974 a 1996. Fe'i lleolir rhwng Caerdydd a Phontypridd.
Hanes
[golygu | golygu cod]Yn yr 16g roedd Gwaelod-y-garth yn enwog am ei mwyngloddfeydd haearn. Agorwyd y gweithfeydd haearn cyntaf rhwng 1565 a 1625. Yn ystod y 19g ailagorwyd gweithfeydd yno gan gmwni Blackmoor Booker. Agorwyd Gwaith Glô Y Lan yn 1872 gan TW Booker a gyflogodd tua 300 o weithwyr. Ar 6 Rhagfyr 1875, oherwydd diffyg awyru, bu ffrwydriad a laddodd 12 o fechgyn. Dyma'r ddamwain waethaf o'i bath yn Ne Cymru yn y flwyddyn honno, a'r waethaf yn ardal Caerdydd erioed. Yn 2015, 140 mlynedd yn ddiweddarach, rhoddwyd torch o flodau yn y fan, i nodi'r drychineb.[1]
Bu ymgyrchu i gadw'r gweithfeydd yn y 1990au.
Enwogion
[golygu | golygu cod]- Y Parch R.G.Berry. Dramodydd
- Dr Mary Gillham - un o'r merched cyntaf i ymweld ag Antarctica, yn 1959.
- G. J. Williams - ysgolhaig Cymraeg.
- Jane Davidson - gweinidog yn Llywodraeth Cynulliad Cymru.
- Catrin Dafydd - awdures, enillydd y Fedal Lenyddiaeth yn Eisteddfod yr Urdd 2005
Addysg
[golygu | golygu cod]Lleolir Ysgol Gynradd Gwaelod Y Garth ar y briffordd yn y pentref, sef ysgol gynradd ddwyieithog gyda unedau Cymraeg a Saesneg arwahan. Derbyniai dros 70% o'r plant eu addysg drwy gyfrwng y Gymraeg.
Côr Godre'r Garth
[golygu | golygu cod]Sefydlwyd Côr Godre'r Garth yn y pentref yn 1974. Er nad yw'r côr yn ymarfer yn y pentref mwyaf mae'n dal i arddel yr enw ac yn denu cantorio'n o'r ardal gyfagos.
Cyfeiriadau
[golygu | golygu cod]- ↑ Gwefan y BBC; adalwyd 6 12 2015
Dolenni allanol
[golygu | golygu cod]- Lluniau Archifwyd 2004-05-22 yn y Peiriant Wayback