Jerry Hunter
| Jerry Hunter | |
|---|---|
| Ganwyd | 13 Ionawr 1965  |
| Dinasyddiaeth |  Cymru  Unol Daleithiau America |
| Alma mater | |
| Galwedigaeth | llenor |
| Cyflogwr | |
| Priod | Judith Humphreys |
| Plant | Megan Angharad Hunter |
| Gwobr/au | Cymrawd Cymdeithas Ddysgedig Cymru |
Academydd a llenor Americanaidd yw Dr Jerry Hunter (ganwyd 1965), sy'n dod yn wreiddiol o Cincinnati, Ohio. Pan oedd yn astudio Saesneg ym Mhrifysgol Cincinnati cyflwynwyd llenyddiaeth Gymraeg iddo. Daeth i Gymru ac i Lanbedr Pont Steffan i ddysgu Cymraeg ar gwrs dwys, ac wedyn i Aberystwyth i ddilyn MPhil yn y Gymraeg.
Aeth yn ôl i Cincinnati a bu yn athro yno, yn gweithio ar fferm ei dad ac yn weithiwr cyflogedig i Greenpeace. Cafodd ddoethuriaeth o Brifysgol Harvard ar ôl astudio Ieithoedd a Llenyddiaethau Celtaidd. Wedyn bu yn ddarlithydd yn Harvard am ychydig cyn dod nôl i Gymru.
Mae wedi dal swyddi academaidd ym Mhrifysgol Caerdydd a Phrifysgol Bangor.[1] Mae'n un o'r aelodau a sefydlodd grŵp Cymuned.
Enwyd ei lyfr Soffestri’r Saeson (2000) ar restr fer Llyfr y Flwyddyn yn 2001. Enillodd ei lyfr Llwch Cenhedloedd y wobr yn 2004.[1] Enillodd y nofel Gwenddydd y Fedal Ryddiaith yn yr Eisteddfod Genedlaethol yn 2010.
Llyfryddiaeth
[golygu | golygu cod].jpg)
Cymraeg
[golygu | golygu cod]- Soffestri’r Saeson (Gwasg Prifysgol Cymru, 2000)
- Llwch Cenhedloedd (Gwasg Carreg Gwalch, 2003)
- I Ddeffro Ysbryd y Wlad: Robert Everett a’r Ymgyrch yn erbyn Caethwasanaeth Americanaidd (Gwasg Carreg Gwalch, 2007)
- Ceffylau'r Cymylau (Gwasg Gomer, 2010)
- Gwenddydd (Gwasg Gwynedd, 2010)
- Llwybrau Cenhedloedd (Gwasg Prifysgol Cymru, 2012)
- Gwreiddyn Chwerw (Gwasg Gwynedd, 2012)
- Ebargofiant (Y Lolfa, 2014)
- Y Fro Dywyll (Y Lolfa, 2014)
- Ynys Fadog (Y Lolfa, 2018)
Saesneg
[golygu | golygu cod]- Welsh Writing from the American Civil War (Gwasg Prifysgol Cymru, 2007)
- Dark Territory (Y Lolfa, 2018)
Cyfeiriadau
[golygu | golygu cod]- ↑ 1.0 1.1 Dr Jerry Hunter BA MPhil PhD. Prifysgol Bangor. Adalwyd ar 21 Chwefror 2010.
Eginyn erthygl sydd uchod am un o Unol Daleithiau America. Gallwch helpu Wicipedia drwy ychwanegu ato.