John Penry

John Penry
Ganwyd	1563  Cefn Brith
Bu farw	29 Mai 1593  Afon Tafwys
Dinasyddiaeth	Cymru
Alma mater	Peterhouse, Caergrawnt St Alban Hall
Galwedigaeth	llenor, pregethwr

Merthyr Protestannaidd o Langamarch, Brycheiniog (Powys), oedd John Penry (1559 - 29 Mai 1593).

Bywgraffiad

Roedd ei gartref yng Nghefn-brith, Powys. Cafodd ei addysg yn Peterhouse, Caergrawnt, lle y daeth dan ddylanwad Piwritaniaeth.

Roedd yn feirniadol iawn o'r eglwys oherwydd ei diffyg gofal bugeiliol. Ysgrifennodd nifer o lyfrau yn Saesneg yn beirniadu'r Eglwys yng Nghymru ac yn gofyn am fwy o bregethu trwy gyfrwng y Gymraeg. Bu yn cynnal gwasg argraffu yn Lloegr am gyfnod, gwasg a argraffodd nifer o bamffledi yn beirniadu'r esgobion. Fe'i camgyhuddwyd o fod yn awdur y Marprelate Tracts ac o fod yn anheyrngar i frenin Lloegr. Cafodd ei grogi ar lan Afon Tafwys, 29 Mai 1593.^[1]

Llyfryddiaeth

• The Æquity of an Humble Supplication (1587)

Cofiant

• John Gwynfor Jones, Crefydd, Cenedlgarwch a'r Wladwriaeth (2013)

Cyfeiriadau

1. Robert Tudur Jones. "Penry, John (1563-1593), awdur Piwritanaidd". Llyfrgell Genedlaethol Cymru. Cyrchwyd 7 Mehefin 2024.

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.