Kizzy Crawford

Kizzy Crawford
Ganwyd25 Ebrill 1996 Edit this on Wikidata
Rhydychen Edit this on Wikidata
DinasyddiaethBaner Cymru Cymru
Galwedigaethcanwr Edit this on Wikidata
Gwefanhttp://www.kizzymerielcrawford.com Edit this on Wikidata
Gwlad chwaraeonCymru Edit this on Wikidata

Cantores a chyfansoddwraig werin a blws Bajan-Gymreig yw Kizzy Crawford (ganwyd 25 Ebrill 1996) sydd yn canu yn Gymraeg a Saesneg. Yn ôl Kizzy, "Ei huchelgais fel artist du Cymreig yw gwneud ei marc trwy gyfuno 'soul'/jazz dwyieithog".[1]

Cefndir

[golygu | golygu cod]
Kizzy yn Ionawr 2016.

Ganwyd Kizzy yn Rhydychen ond pan ysgarodd ei rhieni yn 1999, daeth ei mam ynghyd a'i rhieni hi i fyw i Aberaeron. Mae ei mam yn Saesnes o dde-ddwyrain Lloegr ond treuliodd gwyliau ei phlentyndod gyda thadcu a mamgu yn Diserth, Powys ac roedd wastad eisiau magu ei phlant yng Nghymru.[2]

Mae teulu ei thad yn hannu o Barbados ac fe ymfudodd y teulu i Reading yn y 1950au. Roedd ei thadcu mewn band sgiffl. Mae ei threftadaeth Bajan a'i theulu estynedig yn Barbados yn bwysig iddi ac mae'n ystyried ei hun yn Gymraes.[3]

Cafodd ei haddysg yn Gymraeg ers oedd yn bedair oed. Yn ddiweddarach symudodd i fyw ym Merthyr Tudful.[4] Mynychodd Ysgol Gyfun Rhydywaun, Aberdâr. Hi yw'r hynaf o bump o blant. Mae ganddi chwaer, Eädyth, sydd hefyd yn gantores.[5]

Enillodd Kizzy y gystadleuaeth Canwr/Cyfansoddwr 'Arts Connect' Merthyr a Rhondda Cynon Taf ym 2012 a'r gystadleuaeth Brwydr Y Bandiau yn Eisteddfod Genedlaethol 2013.

Bywyd personol

[golygu | golygu cod]

Fel Cymraes hil-gymysg, mae wedi profi rhagfarn a hiliaeth ers yn ifanc iawn. Yn yr ysgol gynradd, byddai yn cael ei phryfocio gan ddisgyblion eraill yn gwneud sylwadau am lliw ei chroen. Yn 2014 aeth i berfformio yn Nhalacharn ar gyfer BBC Radio Wales a daeth hen ddyn fyny ati hi a'i mam gan ddweud "I hope there aren’t any more like you where you come from".[3]

Ym mis Medi 2019, canodd Kizzy Calon Lân gyda'i chwaer, Eädyth, mewn rali YesCymru yn Merthyr Tudful, yn datgan ei chefnogaeth dros annibyniaeth i Gymru.[6]

Disgyddiaeth

[golygu | golygu cod]
  • "The Starling" (Sonig, 2013)
  • "Temporary Zone" (See Monkey Do Monkey, 2013)
  • "Golden Brown" (2014)
  • "Shout Out / Yr Alwad" (2015)
  • "Pili Pala" (2015)
  • "Imago" (2015)
  • "Birdsong / Can Yr Adar" (Basho Records, 2018)
  • "The Way I Dream" (Freestyle Records, 2019)
  • "Rhydd" (Sain Records, 2021)

Cyfeiriadau

[golygu | golygu cod]
  1. ↑ "Bywgraffiad ar wefan ei hunan". Archifwyd o'r gwreiddiol ar 2013-12-04. Cyrchwyd 2014-01-25.
  2. ↑ (Saesneg) Kizzy Crawford Music. Kizzy Crawford (13 Medi 2019). Adalwyd ar 3 Mehefin 2020.
  3. ↑ 3.0 3.1 Welsh singer racially abused at Laugharne festival , WalesOnline, 11 Mai 2014. Cyrchwyd ar 3 Mehefin 2020.
  4. ↑ (Saesneg) Q&A with Welsh Musician Kizzy Crawford. Show Racism The Red Card (7 Hydref 2013). Adalwyd ar 3 Mehefin 2020.
  5. ↑ Young singer Kizzy Crawford, from Merthyr Tydfil, wins Arts Connect Original Singer-Songwriter prize (en) , WalesOnline, 24 Ionawr 2013. Cyrchwyd ar 3 Mehefin 2020.
  6. ↑ "Sport and arts figures join independence rally" (yn Saesneg). 2019-09-07. Cyrchwyd 2019-09-11.

Dolenni allanol

[golygu | golygu cod]