Laila Shawa

Laila Shawa
Ganwyd4 Ebrill 1940 Edit this on Wikidata
Dinas Gaza Edit this on Wikidata
Bu farw24 Hydref 2022 Edit this on Wikidata
DinasyddiaethBaner Palesteina Palesteina
Alma mater
  • Leonardo da Vinci Art Institute
  • Academi'r Celfyddydau Cain Edit this on Wikidata
Galwedigaetharlunydd, arlunydd Edit this on Wikidata
Blodeuodd2020 Edit this on Wikidata
Arddullcelf gyfoes, celf ffeministaidd Edit this on Wikidata
TadRashad al-Shawa Edit this on Wikidata

Arlunydd Palesteinaidd yw Laila Shawa (Arabeg: ليلى الشوا; ganwyd Gaza, 1940; m. 24 Hydref 2022).

Disgrifiwyd ei gwaith fel adlewyrchiad personol yn ymwneud â gwleidyddiaeth ei gwlad, gan dynnu sylw yn benodol at anghyfiawnderau ac erledigaeth ei phobl. Mae hi'n un o artistiaid amlycaf a mwyaf toreithiog y sîn celf gyfoes chwyldroadol Arabaidd.[1]

Fel Palesteiniad yn byw yn Llain Gaza dros gyfnod ei phlentyndod, mae'n ferch i Rashad al-Shawa, actifydd a maer Gaza 1971-82; meddylfryd chwyldroadol ei thad a'i hanogodd, pan oedd yn ifanc. Yn aml mae ei gwaith celf, sy'n cynnwys paentiadau, cerfluniau a gosodiadau, yn gweithio gyda ffotograffau sy'n sylfaen ar gyfer argraffu sgrin sidan. Mae ei gwaith wedi cael ei arddangos yn rhyngwladol ac yn cael ei arddangos mewn llawer o fannau cyhoeddus gan gynnwys Yr Amgueddfa Brydeinig a chasgliadau preifat.[2][3][4]

Bywyd cynnar

[golygu | golygu cod]

Ganwyd Laila Shawa yn Gaza ym 1940, wyth mlynedd cyn y Nakba Palestesteinaidd a sefydlu Gwladwriaeth Israel. Addysgwyd Shawa yn ysgol breswyl Sefydliad Celf Leonardo da Vinvi yn Cairo rhwng 1957 a 58, yna aeth i Academi y Celfyddydau Cain yn Rhufain rhwng 1958 a 64, tra hefyd yn astudio yn ystod yr hafau yn 'Ysgol y Gweledol' yn Salzburg, Awstria.[5]

Ym 1965, ar ôl gorffen ei haddysg, dychwelodd Laila Shawa i Gaza a chyfarwyddo dosbarthiadau celf a chrefft mewn sawl gwersyll ffoaduriaid. Yna parhaodd i ddysgu dosbarth celf am flwyddyn gyda rhaglen addysg UNESCO.[1] Symudodd i Beirut, Libanus ym 1967 am gyfanswm o naw mlynedd lle roedd yn arlunydd amser llawn. Ar ôl i Ryfel Cartref Libanus ddechrau, dychwelodd i Gaza a gyda chymorth ei thad a'i gŵr, sefydlodd Shawa Ganolfan Ddiwylliannol Rashad Shawa.[6] Yn anffodus, nid yw'r ganolfan yn cael ei defnyddio ar hyn o bryd ar gyfer yr hyn a fwriadwyd, fel cysylltiad diwylliannol â Gaza trwy arddangosfeydd.

Cyfeiriadau

[golygu | golygu cod]
  1. ↑ 1.0 1.1 Elazzaoui, Hafsa (July 9, 2017). "Laila Shawa: Mother of Arabic Revolution Art". MVSLIM. Archifwyd o'r gwreiddiol ar 2018-04-27. Cyrchwyd March 17, 2018.
  2. ↑ Contemporary Art in The Middle East, ArtWorld, Black Dog Publishing, London, UK, 2009.
  3. ↑ The October Gallery: Laila Shawa. October Gallery. Accessed Nov 2010)
  4. ↑ Laila Shawa, Works 1965- 1994 AI-Hani Books, 1994
  5. ↑ "Laila Shawa, Gaza: Palestine". The Recessionists. 2009. Cyrchwyd April 5, 2018.
  6. ↑ LeMoon, Kim. "Laila Shawa". Signs Journal. Cyrchwyd April 5, 2018.