Lawrence Ferlinghetti

Lawrence Ferlinghetti
Lawrence Ferlinghetti yn siop lyfrau Grolier yn Cambridge, Massachusetts, ym 1965.
Ganwyd	Lawrence Monsanto Ferling  24 Mawrth 1919  Yonkers
Bu farw	22 Chwefror 2021  o clefyd interstitaidd yr ysgyfaint  San Francisco
Man preswyl	San Francisco, Paris
Dinasyddiaeth	Unol Daleithiau America
Alma mater	Prifysgol Paris Prifysgol Columbia Prifysgol Gogledd Carolina yn Chapel Hill Ysgol Northfield Mount Hermon Riverdale Country School
Galwedigaeth	swyddog milwrol, bardd, cyfieithydd, cyhoeddwr, arlunydd, newyddiadurwr, ymgyrchydd heddwch, llenor, activist shareholder, dramodydd, llyfrwerthwr, gweithredydd gwleidyddol
Cyflogwr	The Daily Tar Heel
Mudiad	Cenhedlaeth y Bitniciaid
Gwobr/au	Gwobr Farddoniaeth Ryngwladol Janus Pannonius, Literarian Award for Outstanding Service to the American Literary Community, James Madison Freedom of Information Award, Eagle Scout, Medal Robert Frost, Gwobr Cyflawniad Oes Ivan Sandrof, Commandeur des Arts et des Lettres‎

Bardd o'r Unol Daleithiau yn yr iaith Saesneg oedd Lawrence Monsanto Ferlinghetti (24 Mawrth 1919 – 22 Chwefror 2021) a oedd yn un o sefydlwyr cenhedlaeth y Bitniciaid yn San Francisco yn y 1950au.^[1]

Ganed yn Yonkers yn nhalaith Efrog Newydd, a chafodd ei fagu yn Ffrainc a Long Island. Gwasanaethodd yn swyddog yn Llynges yr Unol Daleithiau yn ystod yr Ail Ryfel Byd. Derbyniodd ei radd baglor o Brifysgol Gogledd Carolina, ei radd meistr o Brifysgol Columbia, a'i ddoethuriaeth o'r Sorbonne ym 1951.

Ymsefydlodd Ferlinghetti yn San Francisco, Califfornia, ym 1951, ac ym 1953 agorodd ei siop lyfrau, City Lights, a fyddai'n ganolfan i gylch avant-garde y ddinas. Dan enw'r wasg City Lights Books, cyhoeddodd nifer o awduron cenhedlaeth y Bitniciaid, gan gynnwys Allen Ginsberg, Jack Kerouac, Gregory Corso, Denise Levertov, William Burroughs, a William Carlos Williams.

Cyhoeddodd ei nofel hunangofiannol, Little Boy (2019), adeg ei ganmlwyddiant. Bu farw yn San Francisco yn 101 oed.

Llyfryddiaeth

• Pictures of the Gone World (1955).
• A Coney Island of the Mind (1958).
• Endless Life (1981).
• Love in the Days of Rage (1988).
• These Are My Rivers (1995).
• A Far Rockaway of the Heart (1997).
• What Is Poetry? (1999).
• How to Paint Sunlight (2001).
• Americus: Part I (2004).
• Poetry as Insurgent Art (2007).
• Time of Useful Consciousness (2012).
• Writing Across the Landscape: Travel Journals 1960–2010 (2015).
• I Greet You at the Beginning of a Great Career: The Selected Correspondence of Lawrence Ferlinghetti and Allen Ginsberg, 1955–1997 (2015).
• Little Boy (2019).

Cyfeiriadau

1. (Saesneg) Lawrence Ferlinghetti. Encyclopædia Britannica. Adalwyd ar 24 Mawrth 2021.