Maurice Wilks

Maurice Wilks
Ganwyd19 Awst 1904 Edit this on Wikidata
Ynys Hayling Edit this on Wikidata
Bu farw8 Medi 1963 Edit this on Wikidata
Niwbwrch Edit this on Wikidata
DinasyddiaethBaner Cymru Cymru
Alma mater
  • Coleg Malvern Edit this on Wikidata
Galwedigaethdyfeisiwr, entrepreneur, dylunydd ceir Edit this on Wikidata
Land Rover, Cyfres I

Peiriannydd a dyfeisydd o Ynys Môn oedd Maurice Fernand Cary Wilks (19 Awst 1904 – 8 Medi 1963). Yn ei flynyddoedd diwethaf, roedd yn Gadeirydd Cwmni Rover. Ef oedd prif ddyfeisydd y cerbyd a ddaeth yn ddiweddarach i gael ei adnabod fel y Land Rover.

Fe'i addysgwyd yng Ngholeg Malvern cyn iddo cyn iddo weithio rhwng 1922 a 1926 i Gwmni Ceir Hillman yn Coventry.[1].[1][2] Trodd at gwmni General Motors yn Unol Daleithiau America yn 1926 ond wedi dwy flynedd dychwelodd i Loegr ac at gwmni Hillman.[3]

Yn ystod yr Ail Ryfel Byd, datblygodd peiriannau twrbein nwy awyrenau, ond oherwydd trafferthion pasiwyd y prosiect i Rolls-Royce yn 1943.[1] Ond ar ôl y Rhyfel ailafaelodd Wilks yn y peiriannau twrbein. Arweiniodd y gwaith hwn at y car cyntaf i gael ei yrru gan beiriant twrbein nwy yn 1949.[4]

Adref ar ei fferm yn Niwbwrch, gyda'i frawd Spencer (a oedd hefyd yn gweithio i Rover) bu'r ddau'n gweithio gyda Willys Jeep, pan ddaeth y syniad o'i addasu ar gyfer amaethyddiaeth. Penderfynnodd y ddau yn y fan a'r lle i'w alw'n 'Land Rover'.[4] Erbyn haf 1947 roedd prototeip y Land Rover yn barod, wedi'i sefydlu ar echel Jeep ac wedi ei greu ar ei fferm yn Niwbwrch. Yn Hydref 1947, rhoddodd Cwmni Rover sêl eu bendith ar y gwaith o gynhyrchu 50 model i'w treialu.[4] Yn 1948, yn Sioe Gerbydau Amsterdam, lansiwyd y cerbyd yn ffurfiol.[4]

Marw

[golygu | golygu cod]

Bu Wilks farw ar ei fferm ger Niwbwrch ar yr 8fed o Fedi 1963.[1]

Cyfeiriadau

[golygu | golygu cod]
  1. ↑ 1.0 1.1 1.2 1.3 "Wilks, Maurice Cary Fernand". Oxford Dictionary of National Biography. Cyrchwyd 17 Gortffennaf 2011. Check date values in: |accessdate= (help)
  2. ↑ Graces Guide to British Industrial History. Profile of Spencer Wilks
  3. ↑ "Obituary: Mr. Maurice Wilks". The Times. 10 September 1963. t. 12.
  4. ↑ 4.0 4.1 4.2 4.3 Nick Georgano, Nick Baldwin, Anders Clausager, Jonathan Wood. Nick Georgano (gol.). Britain's Motor Industry: The First Hundred Years. ISBN 0-85429-923-8.CS1 maint: multiple names: authors list (link)