Naunton Wayne

Naunton Wayne
Wayne yn The Lady Vanishes (1938)
Ganwyd	22 Mehefin 1901  Pontypridd
Bu farw	17 Tachwedd 1970  Tolworth
Dinasyddiaeth	Cymru
Alma mater	Coleg Clifton
Galwedigaeth	actor, actor ffilm, actor llwyfan

Roedd Naunton Wayne (22 Mehefin 1901 – 17 Tachwedd 1970), yn actor cymeriad Cymreig,

Cefndir

Ganed fel Henry Wayne Davies (Newidiwyd ei enw trwy weithred gyfreithiol ym 1933) yn Llanwynno, Morgannwg. Roedd yn fab i William Thomas Davies, cyfreithiwr ac Anne Elizabeth (née Morgan) ei wraig. Addysgwyd ef yng Ngholeg Clifton, Bryste. Ym 1927 priododd Hilda Gladys Dove, bu iddynt dau fab.^[1]

Gyrfa

Dechreuodd Wayne ei yrfa ym 1920 fel aelod o barti cyngerdd ar Ynys y Barri. Gwariodd deng mlynedd fel diddanwr mewn cwmnïau tebyg a llwyddodd i ddatblygu ffordd hawdd o ennill cydymdeimlad y gynulleidfa. Symudodd i Lundain lle fu'n perfformio fel arweinydd sioeau rifíw. Gwnaeth ei ymddangosiad cyntaf ym Mhalas Victoria yn 1928 fel diddanwr ac ymddangosodd hefyd yn y Palladium, y Coliseum, a'r Holborn Empire. Am bron i flwyddyn bu'n arweinydd sioeau ym Mhafiliwn Llundain.^[2]

Roedd ei rolau actio cyntaf ar lwyfannau Llundain oedd yn Streamline yn y Palace Theatre y 1934 ac yn 1066 a All That ^[3] yn The Strand ym 1935 (lle rhoddodd ddilyniant comig i sgetshis gan y perfformwyr eraill). Ei rôl lawn gyntaf oedd yn Wise Tomorrow yn y Lyric ym 1937. Chwaraeodd Mortimer Brewster yn Arsenic ac Old Lace yn y Strand am bedair blynedd.

Daeth yn fwyaf adnabyddus am ei rôl fel y cymeriad cefnogol, Caldicott, yn y fersiwn ffilm o The Lady Vanishes ym 1938, rôl a ailadroddodd mewn tair ffilm arall, ochr yn ochr â Basil Radford fel ei gyfaill, Charters. Byddai'r ddau yn mynd ymlaen i ymddangos mewn ffilmiau eraill gyda'i gilydd, yn aml yn chwarae cymeriadau tebyg. Mae eu cyd gredydau eraill yn Night Train to Munich (1940), Crook's Tour (1941), Millions Like Us (1943), Dead of Night (1945), Quartet (1948), It's Not Cricket (1949), a Passport to Pimlico (1949).^[4]

Ymddangosodd Wayne hefyd ar ei ben ei hun mewn ffilmiau eraill gan gynnwys y comedïau Ealing, The Titfield Thunderbolt (1953) ac Obsession (1949).

Marwolaeth

Bu farw Wayne yn Surbiton, Surrey ar 17 Tachwedd 1970, yn 69 oed.^[5]

Ffilmograffi

• The First Mrs. Fraser (1932) - Arweinydd
• Going Gay (1933) - Jim
• For Love of You (1933) - Jim
• Something Always Happens (1934) - Dyn sy'n gwrthod helpu Peter (heb ei achredu)
• The Lady Vanishes (1938) - Caldicott
• A Girl Must Live (1939) - Hugo Smythe
• Night Train to Munich (1940) - Caldicott
• Crook's Tour (1941) - Caldicott
• The Next of Kin (1942) - Siaradwr diofal ar y trên (yr olygfa olaf)
• Millions Like Us (1943) - Caldicott
• Dead of Night (1945) - Larry Potter
• A Girl in a Million (1946) - Fotheringham
• Quartet (1948) - Leslie
• It's Not Cricket (1949) - Capten Early
• Passport to Pimlico (1949) - Straker
• Stop Press Girl (1949) - The Mechanical Type
• Helter Skelter (1949) - Capten Early
• Obsession (1949) - Arolygydd Finsbury
• Double Confession (1950) - Arolygydd Tenby
• Trio (1950) - Mr. Ramsey
• Highly Dangerous (1950) - Mr. Hedgerley
• Circle of Danger (1951) - Reggie Sinclair
• The Happy Family (1952) - Mr. Filch
• The Tall Headlines (1952) - Arolygydd yr Heddlu
• Treasure Hunt (1952) - Eustace Mills
• The Titfield Thunderbolt (1953) - Blakeworth
• You Know What Sailors Are (1954) - Capten Owbridge
• Operation Bullshine (1959) - Major Pym
• Double Bunk (1961) - Swyddog Gwarchod y Tafwys 1af
• Nothing Barred (1961) - Arglwydd Whitebait

Cyfeiriadau

1. yr archif Genedlaethol, Cofrestr 1939 Cyf: RG 101/1313H
2. Hitchcock Zone The Times (18/Nov/1970) - Obituary: Naunton Wayne adalwyd 15 Tachwedd 2019
3. "Naunton Wayne - Theatricalia". theatricalia.com. Archifwyd o'r gwreiddiol ar 2019-11-19. Cyrchwyd 2019-07-15.
4. Silver Sirens Naunton Wayne adalwyd 15 Tachwedd 2019
5. Deceased but not Forgotten Naunton Wayne Archifwyd 2019-07-15 yn y Peiriant Wayback adalwyd 15 Tachwedd 2019

Dolenni allanol

• Naunton Wayne ar IMDb
• "Naunton Wayne Biography". Britmovie. 2015. Archifwyd o'r gwreiddiol ar 19 Chwefror 2015. Cyrchwyd 15 Gorffennaf 2019. Unknown parameter |deadurl= ignored (help)