Sion Trevor (1563–1630)

Sion Trevor
Ganwyd1563 Edit this on Wikidata
Yr Orsedd Edit this on Wikidata
Bu farw1630 Edit this on Wikidata
DinasyddiaethCymru, y Deyrnas Unedig Edit this on Wikidata
Galwedigaethgwleidydd Edit this on Wikidata
SwyddAelod Seneddol yn Senedd Lloegr, Member of the 1593 Parliament, Member of the 1597-98 Parliament, Aelod o Senedd 1601, Aelod o Senedd 1604-1611, Member of the 1614 Parliament, Member of the 1621-22 Parliament, Aelod Seneddol yn Senedd Lloegr 1625 Edit this on Wikidata
TadSion Trefor Edit this on Wikidata
MamMary Bruges Edit this on Wikidata
PlantJohn Trevor Edit this on Wikidata
Cofeb Sion a Marged.
Cyfieithiad: Yma y gorwedd John Trefor, marchog euraidd, ail fab Sion Trefor a ddaliai arfau Trefalun, Sir Ddinbych. Bu'n ysgrifennydd i Charles, iarll Nottingham, Pif Lyngesydd Lloegr (a Chymru)... gwyliedydd materion morwrol dan y brenhinoedd Elizabeth a Iago (James), cafodd ei dderbyn fel aelod bonheddig (?) o'r siambr gyfrin ar ddechrau teyrnasiad Y Brenin Iago...Cymerodd Margaret, merch Huw Trevanion o arfau o Gaerhayes, Cernyw, yn wraig.

Gwleidydd ac Archwiliwr Llongau Brenhines Lloegr oedd Sion Trefor I (hefyd, yn ddiweddarach: John Trevor; 1563– 2 Chwefror 1630)[1], sef ail fab Sion Trefor (m. 1589), milwr, uchelwr a gododd Trefalun ger Wrecsam. Gan mai i'r mab hynaf, Richard Trefor (1558 - 1638) yr aeth Trefalun, cododd John Trefor I faenordy iddo'i hun, sef Plas Teg, ger Yr Hôb, Sir y Fflint heddiw.

Plas Teg, yr Hôb, maenordy a godwyd gan Trevor. Dyfrlliw allan o A tour in Wales gan Thomas Pennant (1726-1798).
Plas Teg heddiw.

Priododd Margaret Trevanion (1565 - 1646), merch o Gernyw a chawsant 7 o blant: John (1596-1673), Anne, Jane, Elizabeth, Charles, William a Richard (m. 1676). Claddwyd tri o'i blant yn Eglwys Weybridge rhwng 1590 a 1605.

Prynnwyd safle Plas Teg gyda hen faenordy arno'n barod, ond ailgododd John Trefor blasty ar y safle yn 1590; ystyrir Plas Teg, heddiw, yn un o faneordai Jacobitaidd pwysicaf Cymru sydd. Mae wedi'i gofrestru gan Cadw ers Chwefror 1952 yn Radd I (rhif cofrestriad: 7).[2]

Ei brif noddwr ef a'i frodyr oedd Howard o Effingham (Charles Howard, Iarll 1af Nottingham). Bu'n Aelod Seneddol ar sawl achlysur: Reigate yn 1593 a 1601 a hefyd Bletchingley yn 1597, 1604, ac yn 1614. Yn 1598 daeth yn 'Archwiliwr Llongau'r Frenhines' a gwnaed ef yn Farchog yn 1603. Etholwyd ef yn AS dros Bodmin yn 1625.

Bu ei fab, John Trevor (1596–1673), hefyd yn AS.

Claddwyd ef a'i wraig Margaret yn Eglwys Sant Cynfarch, yr Hôb, milltir o'u cartref.[3]

Y teulu Trefor

[golygu | golygu cod]

Ceir sawl aelod dylanwadol iawn o'r teulu gan gynnwys (yn nhrefn dyddiad marw):

  • Richard Trefor (m. 1614), aelod o Doctors’ Commons (18 Chwefror 1598), a barnwr yn llys y llynges, i John Trevor ( Coote, Civilians, 65; McClure, Letters of J. Chamberlain, i, 544-5).[4]
  • Syr Sackville Trefor (c.1565-1633), morwr.
  • Syr Richard Trefor (1558 - 1638), milwr, gwleidydd a gweinyddwr yn Iwerddon.
  • John Trevor (g. c. 1652).
  • Syr Thomas Trefor (1572 - 1656), barnwr.
  • Syr John Trevor II (1596–1673), seneddwr.
  • Syr John Trefor III (1626 - 1672), ysgrifennydd y wladwriaeth.
  • Syr Thomas Trefor (1612 - 1676), cyfrifydd y Duchy of Lancaster.
  • Richard Trefor (m. 1676), hynafiaethydd .
  • Thomas Trefor (1658 - 1750), y barwn Trefor (o Drefalun) 1af, a barnwr.
  • Richard Trefor (1707 - 1771), esgob Tyddewi a Durham.

Gweler hefyd

[golygu | golygu cod]

Cyfeiriadau

[golygu | golygu cod]
  1. ↑ Gweler History of Parliament online; adalwyd 12 Chwefror 2017.
  2. ↑ britishlistedbuildings.co.uk; adalwyd 12 Chwefror 2017.
  3. ↑ findagrave.com; adalwyd 12 Chwefror 2017.
  4. ↑ (Coote, Civilians, 65; McClure, Letters of J. Chamberlain, i, 544-5).