Mae SiroeddCymru traddodiadol Cymru yn cynnwys 13 o siroedd a sefydlwyd dan y drefn Seisnig yng Nghymru rhwng 1284 a 1536. Defnyddiwyd y siroedd traddodiadol ar gyfer llywodraeth leol rhwng 1889 a 1974, ond nid oedd ffiniau'r siroedd gweinyddol rhain yn union yr un fath â'r siroedd eu hunain gan fod gan Gaerdydd ac Abertawe eu siroedd gweinyddol eu hunain. Crëwyd 8 sir gadwedig ar gyfer llywodraeth leol ym 1974; ym 1996, crëwyd 22 o awdurdodau unedol ar gyfer llywodraeth leol. Mae enwau rhai o'r siroedd traddodiadol yn cael eu defnyddio ar gyfer awdurdodau unedol (gweler Siroedd a Dinasoedd Cymru), er bod ffiniau awdurdodau unedol yn gallu bod yn wahanol iawn i'r siroedd traddodiadol y maent wedi eu henwi ar eu hôl.
