Tŷ Nant
Math | busnes |
|---|---|
| Sefydlwyd | 1989 |
| Pencadlys | Ceredigion |
| Cynnyrch | potel ddŵr |
| Gwefan | http://www.Tynant.com  |
Cwmni dŵr mwynol tarddell naturiol o Geredigion yw Tŷ Nant, a sefydlwyd yn 1989. Mae'n enw adnabyddus oherwydd y cynhwysydd - potel las nodedig a oedd yn unigryw pan lawnswyd hi.
Cefndir
[golygu | golygu cod]Darganfuwyd tarddiad y dŵr gan Geoff a Gwenllian Lockwood, a dyllodd y ffynnon gyntaf yn dilyn cyfarwyddiad gan ddowswr dŵr a gyflogwyd i adfer y cyflenwad dŵr i'w ffermdy cerrig ger Bethania, ym mryniau'r Mynydd Mawr ger arfordir Ceredigion. Lawnswyd y dŵr fel cynnyrch wedi ei botelu yn 1989.
Allforio
[golygu | golygu cod]Caiff Tŷ Nant ei hallforio i dros 30 o wledydd; Tŷ Nant yw prif werthwr dŵr mwynol Prydain. Dosbarthir y cynnyrch fel cynnyrch safon uchel, gyda phrisiau yn yr Unol Daeithiau tua £1.25 am botel 0.75 litr.
Adeiladwyd ffatri potelu newydd ar y safle a dechreuodd gynhyrchu ym mis Rhagfyr 1996. Mae'n ffatri sy'n defnyddio'r dechnoleg ddiweddaraf, gydag arwynebedd llawr o 45,000 troedfedd sgwar gan gynnwys warws a swyddfa yn union uwchben y twll gwreiddiol lle tynnwyd y dŵr am y tro cyntaf yn 1976.
Dyluniad y botel
[golygu | golygu cod]Dyluniwyd y botel gan Robin Sheppard, ac mae rhai wedi sylwi i'r cynllun, efallai, gael ei ysbrydoli gan siap potel Perrier. Yn fuan ar ôl cael ei lawnsio, fe enillodd y botel las wobr "Gwydr Cyntaf" Gwydr Prydain ar gyfer "Dylunio Rhagorol".
Yn 1999 lawnswyd potel ychwanegol, un coch Tŷ Nant Too. Lawnswyd potel newydd clir ym mis Mawrth 2003, o dan frand TAU (hen Gymraeg am taw). Crëwyd y botel gan y dylunydd Cymreig, Ross Lovegrove.
Perchennog presennol
[golygu | golygu cod]Prynwyd cwmni Tŷ Nant yn 1992 gan eu dosbarthwyr Eidalaidd, Pietro Biscaldi Luigi Export-Import.
Cyfansoddiad mwyn
[golygu | golygu cod]- Calsiwm 22.0 mg/l
- Magnesiwm 11.5 mg/l
- Potasiwm l.0 mg/l
- Sodiwm 22.0 mg/l
- Clorid 14.0 mg/l
- Sylffadau 4.0 mg/l
- Nitradau < 0.1 mg/l
- Gweddillion Sych 180 °C 165 mg/l
- Haearn 0.002 mg/l
- Fflworid 0.148 mg/l
- pH 6.8 wrth y ffynon
Ymddangosiadau nodweddiadol
[golygu | golygu cod]Mae potel ddŵr Tŷ Nant wedi ymddangos yn y cyfryngau ac mewn digwyddiadau proffil uchel yn fyd-eang:
Teledu
[golygu | golygu cod]- Little Britain
- Parks and Recreation - Tymor 3, Pennod 11, "Jerry's Painting"
- Glee
- The MTV Awards
- Doctor Who
- Smallville
- Sex and the City
- Scrubs
- Frasier
- Will & Grace
- Veronica Mars
- Friends
- The OC
- CSI: Crime Scene Investigation - Tymor 3, pennod 'The Last Laugh'.
- The Nanny
- Arrested Development
- Dexter
Ffilmiau
[golygu | golygu cod]- Die Another Day
- Bridget Jones's Diary
- The Italian Job
- Clueless
- American Pie
- Cruel Intentions
- Killing Me Softly
- Forgetting Sarah Marshall
Ffasiwn
[golygu | golygu cod]- Cwpan Hwylio Louis Vuitton Sailing Cup
- Pencampwriaeth Tennis Stella Artois
- Wythnos Ffasiwn Llundain