Verónica Villarroel
| Verónica Villarroel | |
|---|---|
 | |
| Ganwyd | 2 Hydref 1965  Santiago de Chile |
| Dinasyddiaeth |  Tsile |
| Alma mater |
|
| Galwedigaeth | canwr opera, actor |
| Arddull | opera |
| Math o lais | soprano |
| Gwobr/au | Metropolitan Opera National Council Auditions, Gwobr Cerddoriaeth Genedlaethol Llywydd y Weriniaeth |
| Gwefan | https://fundacionveronicavillarroel.cl |
Mae Verónica Villarroel González (geni 2 Hydref 1965) yn soprano o Tsile. Yn 1989 enillodd Clyweliadau Cyngor Cenedlaethol y Metropolitan Opera. Astudiodd ganu gydag Ellen Faull yn Ysgol Juilliard.[1]
Ganwyd Villarroel yn Santiago, Tsile yn ferch i Gueraldo Villarroel a Luisa González. Aeth i'r ysgol yn 'Instituto Anglo Chileno' ('Colegio Anglo Maipu' bellach) ac yna astudiodd gyhoeddusrwydd yn y brifysgol, ond dilynodd yrfa mewn cerddoriaeth yn Santiago ac yna yn Efrog Newydd. Cafodd ei phrentisio i Renata Scotto, y diva opera, wrth astudio yn Rhaglen Artist Ifanc Ysgol Juilliard. Mae gan Villarroel chwaer iau, Maria Isabel (Maribel) Villarroel-Contador sydd hefyd yn gantores gerddoriaeth glasurol. Ar hyn o bryd mae'n dysgu myfyrwyr llais yn Santiago. Yn 2009 canodd yn y "Festival de Viña del Mar" lle enillodd holl wobrau'r ŵyl (tortsh arian, tortsh aur ac wylan arian)
Dechreuodd ei yrfa yn y Metropolitan Opera, Efrog Newydd, yn rôl Mimì yn La Bohème yn 1991 a chanodd y rôl honno ugain gwaith. Canodd yno rôl Violetta yn La Traviata'' yn 1993 (19 gwaith), rolau Liù yn Turandot a Micaela yn Carmen yn 1996, Marguerite yn Faust yn 1997, Lina yn Stiffelio yn 1998, Nedda yn I Pagliacci a Margherita / Elena yn Mefistofele yn 1999, Cio-Cio-San yn Madama Butterfly yn 2001, Elizabeth o Valois yn Don Carlo yn 2002 a Luisa yn Luisa Miller yn 2006.
Cyfeiriadau
[golygu | golygu cod]- ↑ Blyth, A. (2001, January 01). Villarroel, Verónica. Grove Music Online adalwyd 29 Ebrill. 2019