Gwasanaeth lletya blogiau ydy WordPress.com gan gwmni Automatic ac sy'n cael ei yrru gan feddalwedd WordPress.[1][2] Mae'n darparu lletya am ddim ar gyfer defnyddwyr cofrestredig ac mae'n cael ei gynnal yn ariannol gan uwrchraddio, gwasanaethau "VIP" a hysbysebion.
Agorodd y wefan i brofwyr beta ar 8 Awst 2005 ac fe agorwyd i'r cyhoedd ar 21 Tachwedd 2005. Fe'i lansiwyd yn wreiddiol fel gwasanaeth gwahoddiad-yn-unig, er ar un adeg, roedd cyfrifon ar gael i ddefnyddwyr y porwr gwe Flock.[3][4] Roedd dros 56 miliwn blog unigol gyda'r gwasanaeth ar 13 Hydref 2012.[5]
Nid yw'n orfodol i fod wedi cofrestru cyn gallu darllen neu adael sylw ar flogiau sy wedi eu lletya ar y system, oni bai bod perchennog y blog yn dewis hynny. Rhaid cofrestru i fod yn berchen ar flog, neu i bostio cofnod ar flog. Mae holl nodweddion sylfaenol a gwreiddiol y wefan am ddim. Mae modd talu am y gallu i olygu CSS, mapio enw parth, cofrestru enw parth, tynnu hysbysebion, ailgyfeirio gwefan, uwchlwytho fideo ac uwchraddio cyfyngder storio.[6]
Mae modd dewis cael rhywngwyneb Cymraeg.[7]