Faustin-Archange Touadera

Touadera, 2019

Faustin-Archange Touadera (dhiëth aköl nïn 21 Akänythii, 1957) aa ŋiεc-wël ë bääny ku ye raan Pamatpiöc ku yeen ee bɛ̈ny mac Pankɔc Apirïka Ciεl tä wäär Akänydït, 2016.

Touadera ee dhiëth pan cɔl Bangui; ee wën akuëth-thrumbil ku ye raan puör ë dom (apuur). Acä anyooth piööc-cïthök yök pamatpiöc ë piöc ŋïny-käŋ ku piöc wïc ë tëët pan France ë 1987, ee cï ya du-nyuuth ë kuny Akuën Pamatpiöc Bangui ku ye bɛ̈ny akut abaŋ-luoi koor pamatpiöc Akut abaŋ-luoi ë piöc ŋïny-käŋ ruön 1989 ɣet ruön 1992. Ee ye bɛ̈ny pamatpiöc Bangui jɔɔk ruön 2005 ɣet ruön 2008.

Touadera ee cï kuany bï ya Bɛ̈ny ë luoi-tueŋ Pankɔc Apirïka Ciεl ë Bɛ̈ny-mac baai Francois Bozize ɣɔn aköl nïn 22 Kol, 2008 wën cï Elie Dote luoi puöl. Ee ye Bɛ̈ny ë Luoi-tueŋ ɣet pen Kol, 2013.

Touadera ee cï kɔ̈ɔ̈c ke kɛ̈ɛ̈r ë kuaany ë bääny-baai yic pen Kön, 2015 ɣet Nyeth, 2016. Wën cï cuεt-rou thök ë cuεt-tueŋ, go tiam (kɔc wuör) ë cuεt-rou yic 62% (thiär-dhëtem ku rou buotic) kɔc cï cuεt. Ee cï kuɛ̈ɛ̈ŋ aköl nïn 30 Akänydït, 2016. Ee cï bεn kuany kaam ë rou aköl nïn 27 Kön, 2020. Wën cï ye kuɛ̈ɛ̈ŋ, ke France luel wɛ̈t ëlä ke bä apuruuk ken wäär bï tɔŋ bɛ̈n dɔk Pankɔc Apirïka Ciεl dhuök ciɛ̈ɛ̈n. France ee la apuruk tiim-karou ku buot kadhiëc (2500) cï ke luööi Pamac. Të liu kuony ë France, ke duöt bïï ke gεεthdït duut bïk laduk bï ciën riööc ka cï rot lëu.

Touadera acï thiëëk ë diäär karou, Brigitte Touadera ku Marguerite "Tina" Touadera. Keek diäär kedhie acï lueel ëlä ka tëër tä thiin Tiŋ-tueŋ Pamac Pankɔc Apirïka Ciεl ke kuc kɔc. Faustin-Archange Touadera ala mïth kadiäk.