Hindıstano Gırd

Hindıstano Gırd

Hindıstano Gırd (be İngılızki: Greater India) namê cayanê ke bınê kulturê Hindi de mendê, inan rê vaciyeno. Hindıstano Gırd, Efğanıstani ra dest kena pê, zımey de Tibet u rocvetış de heta İndonezya u adey verocêrocvetışê Asyay şına. Enê cayan de dinê Hinduizm u Budizmi estê hema dıma enê dinan İslam zi ame inca u mısılmani zi estê. Vêrde de enê cayan de imperatoriyê Butuan, Champa, Dvaravati, Funan, Gangga Negara, Kadaram, Kalingga, Kutai, Langkasuka, Pagan, Pan Pan, Po-ni, Tarumanagara u Tondoy hukım kerdê. Mıntıqa Hindıstanê gırdi de, zaf mıxtelif bınkulturi, populasyoni, cıwiyayışi u merdumi estê. Ena mıntıqa de, xeylê zıwanan qal benê, zey Hindki, Urduki, Peştuki (Hind u Ewropa), İndonezki, Malayki, Tausugki (Austronezya) u zıwanê bini.