Robert Gordon Latham

Robert Gordon Latham
Melumato şexsi
Dewlete Qraliya Yewbiyayiya Britanya Gırde u İrlanda
Cınsiyet Camêrd
Cayê biyayışi Lincolnshire
Biyayış
Merdış
Cayê merdışi Putney
Wendış Eton College û King's College
Gure Zıwanşınas, doktor, ethnologist, Filolog, musnaoğ û nuştekar
Zıwani İngılızki

Robert Gordon Latham (24 Adare 1812 – 9 Adare 1888) yew etnolog û ziwannaso îngiliz o. Endamanê Cemîyetê Kralîyetî yê Londra ra yo.

Serra 1812 de dewa Billingboroughî yê Lincolnshire de ame dinya. Pîyê ey Thomas Latham papazê na dewe bi. 1819 de şi Eton College û 1829 de zî Cambridge de dest bi wendişê King's College kerd û 1832 de ewta ra mezûn bi.

Seba ke ziwannasîye (ziwanşinasîye) biwano şi parzemînê Ewropa; verê cu Hamburg, dima Kopenhag û peynî de Christiania (Oslo) de mend. 1839 de sey profesorê ziwan û edebîyatê îngîlizkî Londra de University College de dest bi karî kerd û 1841 de bi nameyê The English Language kitabêko namdar amade kerd. Ey 1842 de ruhsatê hekîmîye girewte û 1844 ra dima nêweşxaneyê Middlesex de hekîmîye kerde. Labelê, seba ke tena ziwannasî û etnolojî ser o bixebitîyo 1849 de tip ra fek verada û karê hekîmîye ra îstîfa kerde. 1852 de îdareyê beşa etnolojî ya Saraya Krîstale (Crystal Palace) dîyaye ey. 1888 de Putney de merd.[1]

Xebata Zazakî

[bıvurne | çımeyi bıvurne]

Robert Gordon Lathamî tayê çekuyê zazakî ke hetê Dr. H. Sandwithî ra arêdîyayî bi sernameyê "On a Zaza Vocabulary" 1856 de kovara Transactions of The Philological Society de weşanayî.[2] Ey, na xebate 1860 de kitabê xo yê Opuscula: Essays Chiefly Philological and Ethnographical de zî neşr kerdo.[3] R. G. Lathamî destpêkê na xebate de zazayan sey "yew eşîra kurdan" dayo şinasnayene.

Eserê Ey

[bıvurne | çımeyi bıvurne]

Tayê berhemê ey nê yê:

  • Norway and the Norwegians, 2 vols., London, 1840.
  • The English Language, London, 1841; 5th edition 1862.
  • An Elementary English Grammar, London, 1843; new edition, revised and enlarged, 1875.
  • The Natural History of the Varieties of Mankind, 1850
  • The Ethnology of the British Colonies and Dependencies, 1851
  • Man and his Migrations, 1851
  • The Ethnology of Europe, 1852
  • The Native Races of the Russian Empire, 1854
  • On the Varieties of the Human Species, in Orr's Circle of the Sciences vol. 1, 1854
  • Logic in its Application to Language, 1856
  • Descriptive Ethnology, 1858
  • Ethnology of India, London, 1859.
  • Opuscula: Essays Chiefly Philological and Ethnographical, 1860
  • A Smaller English Grammar for the Use of Schools, 1861
  • Elements of Comparative Philology, London, 1862.
  • The Nationalities of Europe, London, 1863.
  • Two Dissertations on the Hamlet of Saxo Grammaticus and of Shakespeare, London, 1872
  • Outlines of General or Developmental Philology. Inflection, London, 1878
  • Russian and Turk, from a Geographical, Ethnological, and Historical Point of View, London, 1878

Çimeyî

[bıvurne | çımeyi bıvurne]
  1. ↑ "Latham, Robert Gordon". Dictionary of National Biography. London: Smith, Elder & Co. 1885–1900.
  2. ↑ Robert Gordon Latham, "On a Zaza Vocabulary", Transactions of The Philological Society, London, 1856, ss. 40-42
  3. ↑ Robert Gordon Latham, "On a Zaza Vocabulary", Opuscula: Essays, Chiefly Philological and Ethnographical, Williams & Norgate, London, Edinburg, Leipzig, 1860, s.242