Jagoda
Jagoda jo z jadnučkego płodnika nastaty zacynjony płod, pśi kótarymž płodowa sćěna (perikarp) hyšći pśi zdrjałosći jo mězgata abo nanejmjenjej měsna. Jagoda jo cesto kulowata a mócnje barwjona. Zwětšego wopśimjejo wjele semjenjow.
Jolic zwenkowna warsta jo twarda, kaž pśi banjach abo pśi górkach, powědaju wót panceroweje jagody (nimski Panzerbeere). Jolic kwiśonka wobsejźi wšake płodniki, wót kótarychž kuždy jagodowy płod wutwóri, se kompleksna jagoda nastanjo.
Jagody graju rolu za wariaciju zežywjenja a su wažne ako dodawarje wót witaminow, mineralow, nitkow a rostlinskich barwidłow (flavonoidy).
K jagodam lice:
- Janowka
- Hendryška
- Carnica
- Pogjarzlina
- Winowa jagoda
- Banana
- Datla
- Banja inkl. cucchini[1]
- Melona
- Górka
- Płody wjele ronicowych rostlinow[2] (paprika, tomata, tamarilo, kulkowa jagodka, oberžina[3], carna ronica[4], górkosłodka ronica[4])
- Kaki
- Kiwi
- Guawa
- Papaja
- Granatowe jabłuko
- Awokado
- Citrusowe płody (Citrona, oranža, limeta)
- Kakawowy płod
- Sheanuss
- Marakuja a druge pasiońske płody
Z botaniskego naglěda žedne jagody njejsu:
- Słynica jo kompleksny wórjechowy płod
- Malina a śernjowka stej kompleksne twardopackate płody
- Bazowki su twardopackate płody
- Jerjebinki su jabłukowe płody
- Jałowjeńcowe jagodki su šyški
Noty
[wobźěłaś | žrědłowy tekst wobźěłaś]- ↑ W internetowem słowniku: Zucchini
- ↑ W internetowem słowniku: Nachtschattengewächs, ale w pluralu
- ↑ W internetowem słowniku: Aubergine
- ↑ 4,0 4,1 Starosta: Dolnoserbsko-nimski słownik, ISBN 3-7420-1096-4, bok 411, ale jano Nachtschatten
| ||||||||||||