Kalawa

**Kalawa**
nimski	Calau
	Kalawa (Bramborska)
	Kalawa (Bramborska)
Wopon
	Wopon
	Wopon
Zakładne daty
stat	Nimska
zwězkowy kraj	Bramborska
wokrejs	Górne Błota-Łužyca
wusokosć	93 metrow n.m.gł.
płonina	163,5 km²
wobydlaŕstwo	7.789 (31. dec 2017)
gustosć zasedlenja	48 wob. na km²
postowa licba	03205
pśedwólenje	(+49) 03541
awtowe wobznamjenje	OSL, CA, SFB
Politika a zastojnstwo
wušy šołta	Werner Suchner (bźez strony)
adresa	Naměsto měra 1; 03205 Kalawa
webstrona	calau.de
Połoženje w Bramborskej
	kórta
	wikidata: Kalawa (Q532803)

51.7513.95

Koordinaty: 51° 45′ N, 13° 57′ O

Kalawa (nimski Calau) jo bramborske město we wokrejsu Górne Błota-Łužyca, kótarež słuša do serbskego sedleńskego ruma. Lažy něźi 130 km na krotke zajtšo wót Barlinja, něźi 90 km na pódpołnoc wót Drježdźan, na pódwjacor wót Chóśebuza a něźi 120 km na pódzajtšo wót Łipska, na krotki wjacor wót Błotow.

Stawizny

Mě Kalawa wótwóźujo se wót staroserbskego słowa kal, což tak wjele kaž tonidło abo kališćo wóznamjenijo. Město se pisnje 1279 prědny raz naspomnjejo. W Kalawje dawašo tegdy grod z mjenim Dunkelsburg a lažešo na dłujkem wjacorje města. Ale južo w 16. stolěśu był toś ten sylnje rozpadnjony. Źinsa se jano hyšći někótare zbytki něgajšnych murjow namakaju. Město lažešo pśi wikowanskem kśicowanišću, tak až se w srjejźowěku tam wěste derjeměśe wuwiwašo. W póznym srjejźowěku zachopijo se na póznjogotiskej halowej cerkwi twariś, kótaraž hyšći źinsa wobraz města wobkněžyjo.

Kalawa běšo južo ze 14. stolěśa wokrejsne město. To zalažešo pó wšym zdaśu na tegdejšym dominowacem góspodaŕskem połoženju města póromje drugim bliskim městam na pódpołdnjo wót Błotow. Teritorij wokrejsa pak se pśez stolěśe cesto změnješo. W měsće běšo serbšćina mimo nimšćiny wobchadna rěc až do prědneje połojcy 19. stolěśa.

Měsćańske a wejsne źěle

Bólašojce (Bolschwitz)
- Wólšyna (Erlenau)
Bukow (Buckow)
Chańc (Gollmitz)
- Žytym (Settinchen)
Jazory (Groß Jehser)
- Jazorce (Mallenchen)
  - Śerpšow (Erpitz)
Kamjeny (Kemmen)
- Škódow (Schadewitz)
- Zarěc (Säritz)
Kšupow (Craupe)
- Radowańk (Radensdorf)
- Žrakow (Schrakau)
Młoźe (Mlode)
- Rochusowy Doł (Rochusthal)
Synjeńce (Zinnitz)
- Batowk (Bathow)
Wjerchownja (Werchow)
- Kobłej (Cabel)
- Wjelchna (Plieskendorf)
Zasłomjeń (Saßleben)
- Kałkojce (Kalkwitz)
- Rudna (Reuden)
Změšow (Groß Mehßow)
- Změšowk (Klein Mehßow)

Noty

↑ Ludnosć w Bramborskej pó gmejnach dnja 31. decembra 2017 na statistik-berlin-brandenburg.de (XLS-dataja; 223 KB)

Wótkaze

Commons: Kalawa – Zběrka wobrazow, widejow a audio-datajow

Internetowy bok města Kalawa

Města a gmejny we wokrejsu Górne Błota-Łužyca

[Metadaty_wobydlaŕstwo_DE-BB-1] Ludnosć w Bramborskej pó gmejnach dnja 31. decembra 2017 na statistik-berlin-brandenburg.de (XLS-dataja; 223 KB)

[1]