Kisć

Kisć, teke łoś jo kwiśonkowy stołk, pśi kótaremž bocne wóski njasu jadnore abo roznogaśowane grany. Pó formje se rozeznawaju wupśestrěta kisć, wopłonjona wótšćitarska kisć, lejkowa kisć a botryoid.

Warianty

Wšedna kisć

Licba roznogaśowanja wubywaju wót dołojce górje w źělnych kwiśonkowych stołkach. Bocne wóski, ale teke głowna wóska njasu nakóńcne kwiśonki (nimski Terminalblüte).

Kisć jo ako kwiśonkowy stołk daloko rozšyrjona a se namaka na pś. pśi ricinusu, pśi winowym pruće abo pśi wowsowych a jałhowych družinach.

• 
  Winowe grany njejsu žedne grany, ale typiske kisće
• 
  Rolny wows
• 
  Łucna lipnica

Wótšćitarska kisć

Jolic kisć jo pśez wupśestrěwanje bocnych gałuzow wokołce pódobna, pótom je wótšćitarska kisć abo wokołkowa kisć.

• 
  Wójcyna rotwica
• 
  Carny baz pśi kwiśenju.
• 
  a z płodami

Lejkowa kisć

Jolic zwenkowne kwiśonki laže wušej ako nutśikowne, tak až ma formu lejka, pótom jo lejkowa kisć (Anthela). Taki kwiśonkowy stołk maju bagnowa smalanka, škripiny a syśowe rostliny.

• 
  Lejkowa kisć na syćinje
• 
  Lejkowe kisće pśi bahnowej smjetance

Botryoid

Jolic roznogaśowanja su reducěrowane, tak až pśisamem wupada kaž grana (Botrys), pótom jo botryoid.

• 
  Botryoid z terminalneju kwiśonku a podótknjenym roznogaśowanim
• 
  Wopšawdna grana bźez terminalneje kwiśonki a roznogaśowanja

Žrědła

• Meyers Taschenlexikon Biologie, In 3 Bänden, 1. zwězk, ISBN 3-411-12013-4, boka 113-114 pód lema Blütenstand (nim.)
• Strasburger, E. et al.: Lehrbuch der Botanik für Hochschulen. 35. Auflage, Spektrum Akademischer Verlag 2002, boki 164-167 (nim.)
• Ullstein Lexikon der Pflanzenwelt, 1973, ISBN 3-550-16019-4, bok 66 (nim.)

Eksterne wótkaze

Wobraze kisćow z wobrazowego archiwa uniwersity Basel (nim.)