Złoty janowy krick
| |
| Złoty janowy krick (Ribes aureum) | |
| systematika | |
|---|---|
| Domena | Eukaryoty |
| Swět | Rostlinstwo |
| Eudikotyledony Jědrowe eudikotyledony | |
| pórěd: | (Saxifragales) |
| swójźba: | Hendryškowe rostliny (Grossulariaceae) |
| rod: | Janowy krick[1] (Ribes) |
| družyna: | Złoty janowy krick |
| wědomnostne mě | |
| Ribes aureum | |
| Pursh | |
Złoty janowy krick (Ribes aureum) jo kerk ze swójźby hendryškowych rostlinow (Grossulariaceae).
Wopis
[wobźěłaś | žrědłowy tekst wobźěłaś]Złoty janowy krick jo w lěśu zeleny, bźezśernjowy kerk, kótaryž dośěgnjo wusokosć wót 1 až do 2 m.
Łopjena
[wobźěłaś | žrědłowy tekst wobźěłaś]Dłujko wogonkate łopjena su gołe, blěźe błyšćece, dłymoko tśilapate, maju kulojtu wobcerbu a dośěgnu dłujkosć wót 3 až do 5 cm. Jich nazymske barwjenje jo winocerwjene.
Kwiśonki
[wobźěłaś | žrědłowy tekst wobźěłaś]Kwiśo wót apryla až do maja. Kronowe a keluškowe łopjeńka su złotožołte. Kwiśonki su w srjejźišću cerwjenojte a stoje pó pěśoch až pó pěśnasćoch w rownych abo wótstojecych granach. Wóni pśijaznje wónjaju.
Płody
[wobźěłaś | žrědłowy tekst wobźěłaś]Płody su carne jagody, kótarež dośěgnu wjelikosć grochowkow. Wóni su jědne a wót junij dozdrjaju.
Systematika
[wobźěłaś | žrědłowy tekst wobźěłaś]
Znutśika roda Ribes słuša Ribes aureum zgromaźe z kšejcerwjenym janowym krickom a carnym janowym krickom k pódrodoju Coreosma (Spach) Janczewski.
Někotare awtory wobjadnawaju Ribes aureum ako synonym wót Ribes odoratum. Slědni se rozeznawa pak mjaz drugim pśez wětše, na kšomach a na płoninje mócnjej kósmate łopjena.
Póddružyny
[wobźěłaś | žrědłowy tekst wobźěłaś]
Wopśimjejo slědujuce póddružyny:
- Ribes aureum var. aureum
- Ribes aureum var. gracillimum (Coville & Britton) Jeps.
- Ribes aureum var. villosum DC.
Stojnišćo
[wobźěłaś | žrědłowy tekst wobźěłaś]Rosćo w łučinowych kerčinach, na rěčnych brjogach. Ma lubjej čumpate, humozne zemje.
Rozšyrjenje
[wobźěłaś | žrědłowy tekst wobźěłaś]Póchada z pacifiskeje pódpołnocneje Ameriki (Kaliforniska), ale něnto z městnami tež wóźiwjowane w Europje wustupujo.
Wužywanje
[wobźěłaś | žrědłowy tekst wobźěłaś]Wóna se ako pyšnu drjewinu sajźa.
Nožki
[wobźěłaś | žrědłowy tekst wobźěłaś]Žrědła
[wobźěłaś | žrědłowy tekst wobźěłaś]- Bruno P. Kremer: Steinbachs Naturführer Bäume & Sträucher, ISBN 978-3-8001-5934-5, bok 276 (nim.)
- Steinbachs Großer Pflanzenführer, ISBN 978-3-8001-7567-3, bok 298 (nim.)