Bakung

Bakung
Scientific classification Edit this classification
Kingdom: Plantae
Clade: Tracheophytes
Clade: Angiosperms
Clade: Monocots
Order: Asparagales
Family: Amaryllidaceae
Subfamily: Amaryllidoideae
Genus: Crinum
Species:
C. asiaticum
Binomial name
Crinum asiaticum
Synonyms[1]
  • Bulbine asiatica (L.) Gaertn.

Bakung, bakong, bakuh, melung, landap, selandap toi ko' tembaga suasa (ngaran botani: Crinum asiaticum)[2][3] nopo nga iso kawo susumuni kirasun id paganakan Amaryllidaceae. Spesies nopo diti nga sumuni sandad id pulou Lautan Hindi, Asia Timur, Asia Tenggara tropika, Australia om pulou Pasifik.[4][5] Tonomon ii sabaagi tanom ponginlumis.

Botani

[simbanai | simbanai toud]

Puun bakung nopo nga iso kawo susumuni herba i sumuni mantad bebawang kiwinagat 5-9 kg. Roun nopo do puun diti nga kibontuk otutus om kiwotik do otomou di otuutuong, om roun nopo dii nga koubasanan numaru gisom 1 meter mantad tonod do tana gisom id dompok do roun miampai 10 sm o linaab.[2][5]

Mongusak ii id suang jambak payung 8-9 sm id sawat do guas di akapal; toinsanan jambak kiwaa 10–24 wusak bunga. Monikid wusak kiwotik opurak om kibontuk corong i mungkalad sumiliu ranggi otutus[2][5] 4.5–9 sm ninaru om 6–9 mm linaab. Bunga-bunga dii kikosingudan do owongi soira timpu dongotuong.

Pananaman

[simbanai | simbanai toud]

Asakag o puun bakung maya bebawang. Soira kotuo, milo pitongkiadon o bebawang kumaa piipiro boogian okoro di berumpun i milo poundolihon id kinoyonon suai om tonomon maya medium pananaman di wagu toi ko' id siriba nopo do tana.[6] Minog ii okuaan babang do tadau.

Kogunoon

[simbanai | simbanai toud]
Id suang vidiu

Gunoon ii sabaagi rusap id suang pongusapan tradisional. Tulun Tao mantad Pulau Anggerik Taiwan momoguno kopingan do guas (ointutunan sabaagi vakong) i pokogoson id kakamot awagat montok magapon sada i sumuang id jaring diolo. Gunoon do Tulun Paiwan om Tulun Puyuma o susumuni diti (livakong) sabaagi susumuni piolitan sandad.[7]

Sukuon

[simbanai | simbanai toud]
  1. ↑ 1.0 1.1 "Crinum asiaticum". Plants of the World Online (id boros Inggilis). Royal Botanic Gardens, Kew. Linoyog ontok 27 April 2024.
  2. ↑ 2.0 2.1 2.2 Tan, Ria (November 2010). "Bakung or Seashore spider lily". Wild Singapore. Linoyog ontok 3 Ogos 2022.
  3. ↑ "Crinum asiaticum". Kamus Bahasa Melayu. Dewan Bahasa dan Pustaka Malaysia. 2017.
  4. ↑ Ralat maganu:Tag <ref> tidak sah; tiada teks disediakan bagi rujukan yang bernama WCSP
  5. ↑ 5.0 5.1 5.2 "#35 Crinum asiaticum". Floridata. 2022. Linoyog ontok 3 Ogos 2022.
  6. ↑ "Crinum Asiaticum bukan sekadar penghias laman". Media Permata. 11 October 2017. Linoyog ontok 3 August 2022.
  7. ↑ "民族植物隨筆12: 文殊蘭 Crinum asiaticum L. var. sinicum (Roxb. ex Herb.) Baker". Taishan Nature Laboratory (id boros Chinese (Taiwan)). Pinoopi mantad sand̠ad ontok 2008-08-28.