Huminodun (kirati "di pinolubuk") nopo nga tanak tondu Dewan Kinoingan om sawo dau Suminundu di popolubuk tinan dau sondii kumaa rusod pomogunan sabaagi pinonuli montok mokianu aasil tonomon di poindala montok tulun id pomogunan.
Id pogulu po, tinaru Kadazandusun nokotimbaba kobolingkahangan owingkatan tu toud taakanon di au kaasil. Kinoingan okolu om osianan mogintong kosusan koposion tinaru Kadazandusun ontok dii, mantad dii, nakasaga pinolobuk di Huminodun om tinan dau pinolobong i'd tana om nokosuni no dii piipiro kawo tonomon miagal do parai om mantad dii tinaru Kadazandusun nakaanu nodi toud taakanon. Piboi'an Unduk Ngadau pinaharo montok Tadau Kaamatan montok momuhondom kosonongon Huminodun.
Kosonongon Huminodun diti handaman ontok karamaian Tadau Kaamatan di ramayon monikid toun montok mamaramai timpu mongomot.