Kota Belud

Pekan Kota Belud
Kakadayan
suai transcription(s)
 • Sina古打毛律
kakadayan Kota Belud
kakadayan Kota Belud
Pekan Kota Belud is located in East Malaysia
Pekan Kota Belud
Pekan Kota Belud
Kinoyonon watas Kota Belud om kakadayan Kota Belud
Coordinates: 6°21′N 116°26′E / 6.350°N 116.433°E / 6.350; 116.433
Pogun Malaysia
Pogun Sabah
boogianKotogisan Kotonobon
watasKota Belud
Government
 • BodyMajlis Watas Kota Belud
 • Tupisor WatasZandi Hajah Diyanah Abdullah
Area
 • Total1,385.6 km2 (535.0 sq mi)
Population
 (2010)
 • Total8,392
 Ginumu id posorili Kota Belud nopo amu kosuang mibagal otongkop id watas Kota Belud.
Area code088
Websitewww.sabah.gov.my/pdkb/

Kakadayan Kota Belud nopo nga iso kakadayan toning do boogian kotogisan kotonobon, Sabah. Sinodu Kota Belud kumaa Kota Kinabalu nopo nga lobi kuang 77 kilometer miampai manganu timpu sajaam, om Kota Belud nopo nga wayaan utama mongoi Kudat.[1] Kota Belud nogi kosiliu kopointutunan gulu sabaagi kinoyonon mintong kolumison do Nulu Nabalu.

Etimologi

[simbanai | simbanai toud]

Nontodon Kota Belud

[simbanai | simbanai toud]

Ngaran Kota Belud diti nopo nga mantad id boros Bajau, "Kota" i kikomoyon kuta mananalob om "Belud" nopo nga kikomoyon do nulu. Mantad diri, milo nogi roiton o Kota Belud sabaagi "Kuta Mananalob id timpak Nulu".

Sajara

[simbanai | simbanai toud]

Tempasuk

[simbanai | simbanai toud]

Pomorintaan Sultan

[simbanai | simbanai toud]

Id Timpuunon, Tempasuk(baino Kota Belud) i haro no mantad toun 1700-an i tinalahanan do tulun Iranun.[2] Id toun 1781, kinoyonon Tempasuk noporinta pointongkop do Raja Ismail sabaagi luguan kinoyonon diri om pomorintaan sumusuhut nogontian di tanak disio i Raja Tebuk.[2] Antakan do timpu dii, kinoyonon Tempasuk nogi nakagayat do ginawo Kesultanan Sulu om Kesultanan Brunei montok mogion-gion id Tempasuk.[3] Maamaso lobi kuang toun 1850, kinoyonon sandad id Pandasan pinorinta di Sultan Sulu, i Datu Sri Raja Dinda. Nga, kuasa diti nopo nga kohompit no do kinoyonon Tempasuk i Raja Tebuk alapas tapa disio i Raja Ismail. Id toun sumusuhut, pomorintaan dii naanu kawagu di Datu Rambangan bin Datu Baskal om Datu Amirbahal i noumboyo di Kesultanan Brunei sorili toun 1870.[3] Maso nopo pomorintaan Kesultanan Sulu om Kesultanan Brunei, Tempasuk asaru osiliu kinoyonon do pisingkiwalan id iso ginumuan sokinoyonon.[3] Pisongkiwalan diti nosiliu miagal kinaantakan rumpakan, pamataian om natakahan ii abaagi di piipiro boyungan tinaru id watas dii.[3] Kaparagatan lanun nga maan nogi mibagal ogumu id watas Tempasuk.[3]

Kinorikatan British id Tempasuk

[simbanai | simbanai toud]
Residen British i kumoiso id Tempasuk, i William Pretyman

Maamaso nopo di kinorikatan do British di toun 1878, nosimbanan i Raja Tebuk do tanak disio, i Datu Komidal, roitan nogi sabaagi do Sultan Sa Tebuk.[2] Pomorintaan kuasa Sultan Sa Tebuk id timpu dii nga poinrontob om kaanu panatalan mantad kinohinoon do British. [2] I no tu, kinorikatan do British nogi nga nakaanu minagahau kawagu pomorintaan pointongkop do Tempasuk.[2] Sultan Sa Tebuk om Datu Rambangan nopo nga pinatahak do tonggungan montok papadalan kinoyonon pentadbiran id taang Mukim.[2] Legasi Datu Komidal (Sultan Se Tebok) om pinolombus di ipag Datu Rambangan bin Datu Baskal sabaagi Raja Tempasuk sabab no kinohoroon British irad di Maharaja Dinda i kikuasa id Pandasan.[2]

Tumanud nopo tupisor British i F.G Whelan, K.G Tregonning om William Pretyman, otoronong id Tampasuk id nokoinsonong kawagu miagal diri po maso di pendudukan British, om nogi perlantikan William Pretyman sabaagi Residen Inggeris i kumoinsan di toun 2 Mikat 1878.[3] [4] Kinohoroon William Pretymen sabaagi residen Tempasuk kaanu manahak bagas i agayo kopio montok Sultan Sa Tebuk i natagakan kuasa pointongkop id Tempasuk i tinungkusan mantad tapa disio i Raja Tebuk..[2] Sultan sa Tebuk nogi nga amu kaanu gumaga winonsoi W. Pretyman tu narahung isio di tipagon i Datu Rambangan i nakasawo tadi di Bai Pandaupan..[2] Sajara kinohoroon Tempasuk sabaagi iso entiti montok di tulun mogigigion ontok timpu dilo om kuasa Sultan Sa Tebuk i nopupusan soira kuasa barat ruminikot sinumangod id Tempasuk ontok toun 1878, miampai pangalapan montok Borneo di SBBUB ontok toun 1881. .[2]

William Pretyman

[simbanai | simbanai toud]

Wiliiam Pretyman nopo nga Residen Inggeris i kumoiso id Tempasuk, i nokotimpuun mantad toun 1878 gisom 1880. [5] Nokorikot isio id Tempasuk miampai maya do ralan mantad Kuala Abai di 2 Mikat 1878.[5] Ogumu kouhupan di nowonsoi disio miagal do manahak kotoronongon id suang pisingkiwalan montok kotolu-tolu tinaru loloolobi no tinaru Bajau, Dusun om Iranun.[5]

Iti nopo nga kouhupan i nowonsoi di William Pretyman;

  1. Popoindalan aktiviti pongindopuan id suang sistem barter(pialanan kamot tumaran).
  2. Papaharo do Badi Kota Belud i kakal po gisom baino. Badu nopo di pinaharo nga badi di bobos tosopung id Pogun Sabah.
  3. Mombontuk tinimungan pulis i nokopogulu id Sabah, i pinuruan di kapten Witte ontok 6 Manom 1878. I ogingo nopo, tinimungan diti nopo nga momoguno do korita montok kumaraja. Otutunan o tinimungan diti sabaagi "Skuad Polis Tulud om Kikarabau"
  4. Minomonsoi iso Mahkamah Gonop montok monurupu kobolingkahangan, kasalaan montok tulun ginumuan.

Kotoinaan

[simbanai | simbanai toud]
Upis Majlis Daerah Kota Belud

Majlis Watas Kota Belud

[simbanai | simbanai toud]

Upis Watas Kota Belud nopo nga iso kotoinaan i nokodori no kopio nowonsoi id pogun Sabah, om nogi nowonsoi iti Upis Watas Kota Belud di toun 1952.[6] Maso nopo hilo po o Kerajaan Kolonial, nokoumbal o watas tokoro id Ranau id naungan kotoinaan Upis Watas Kota Belud pogulu po toun 1953.[6] Kakadayan tokoro Tenghilan nogi koumbal do poinsuang id kotoinaan Upis Watas Kota Belud, pogulu po nokorikot o sangod mantad Jepun.[7]

Demografi Mogigion

[simbanai | simbanai toud]

Tinaru

[simbanai | simbanai toud]

Ginumu tulun id Kota Belud

[simbanai | simbanai toud]

Tumanud nopo di statistik ontok toun 2010 nopo nga popokito ginumu tulun id Kota Belud i kigumu 8,392 om om majoriti nopo dii nga etnik Bajau Samah.

Iti nopo nga ginumu tulun id posorili Kota Belud ontok toun 2010 tumanud tinimungan etnik, kinoyonon Pihak Berkuasa Tempatan om pogun, Malaysia.

Ginumu Tulun tumanud tinimungan etnik, kinoyonon pihak berkuasa tempatan om Pogun, Malaysia, 2010[8]
Toun Melayu Kadazan/Dusun Bajau Murut Bumiputera Lain Cina India Suai-suai Okon warganegara Malaysia Ginumu pointongkop
2010 265 729 4,047 27 915 781 19 71 1,538 8,392
2020

(timpu abantalan)

Jantina

[simbanai | simbanai toud]

iti nopo nga ginumu tulun id Kota Belud ontok toun 2010 tumanud jantina miagal dilo;

Jantina[8]
Toun Kusai Tondu Ginumu
2010 4,474 3,918 8,392

Koubasanan

[simbanai | simbanai toud]

Tomu

[simbanai | simbanai toud]

Tomu Kota Belud haro no lobi mantad 140 toun om nokosiliu Tomu di talaid id pogun Sabah.[9] Ontok 13 Momuhau 1878, Tomu Kota Belud pinaharo di songulun Residen British i kumoinsan nogi id Tempasuk (Otutunan o Tempasuk di pogulu po sabaagi Kota Belud) i William Pretyman.[9] Dimpoton nopo disio nga papaharo diti Tomu nopo nga mooi do poposonong tulun ginumuan mikorumo di Residen om pegawai watas, miampai manahak kosiwatan di tulun ginumuan montok mongindapu momoguno sistom Barter.[9] Nakalantoi nogi isio do popiiso tolu etnik tagayo id watas Kota Belud i Bajau, Kadazandusun om Iranun i asaru do misingkiwal antakan dii.[9] Ii no tu, goos i pinoindalan di William Pretyman lobi 100 toun di pogulu id minahak do bagas dit tagayo ii popiiso tolu etnik tagayo id watas dii gisom baino.[9] Koiyonon Tomu iti nopo ontok intonodon nopo nga id Kampung Siasai i kakal po gunoon gisom baino om ointutunan nogi do Tomu tagayo i pohoroon tikid tadau minggu tadau koturu.[9]

Toud

[simbanai | simbanai toud]

Buuk Pluraliti Dan Budaya Di Sabah, suntinga di Saidatul Nornis Hj. Mahali, Mohd Sarim Hj. Mustajab om Suraya Sintang; Penerbit Universiti Malaysia Sabah, 2007.

Sukuon

[simbanai | simbanai toud]
  1. ↑ Kota Belud - Gerbang Ke Kinabalu. Semenanjung Malaysia: Jabatan Perancangan Bandar dan Desa Semenanjung Malaysia. 2016. p. 14.
  2. ↑ 2.00 2.01 2.02 2.03 2.04 2.05 2.06 2.07 2.08 2.09 "Raja Tempasuk". www.abuhilmie.blogspot.com/. 2010-07-05. Linoyog ontok 2020-04-13.
  3. ↑ 3.0 3.1 3.2 3.3 3.4 3.5 Kota Belud - Gerbang Ke Kinabalu. Semenanjung Malaysia: Jabatan Perancangan Bandar dan Desa Semenanjung Malaysia. 2016. p. 20.
  4. ↑ "SEJARAH SILAM TEMPASUK". www.borneohistory57.blogspot.com. 2015-05-23. Linoyog ontok 2020-04-14.
  5. ↑ 5.0 5.1 5.2 Kota Belud - Gerbang Ke Kinabalu. Semenanjung Malaysia: Jabatan Perancangan Bandar dan Desa Semenanjung Malaysia. 2016. p. 22.
  6. ↑ 6.0 6.1 "Asal Usul Nama KOTA BELUD". www.windi2u.blogspot.com. 2009-01-17. Linoyog ontok 2020-04-12.
  7. ↑ I. H. N, Evans (1953). The Religion of the Tempasuk Dusuns of North Borneo. Cambridge: Evans. p. 3.
  8. ↑ 8.0 8.1 "Jumlah penduduk mengikut kumpulan etnik, kawasan Pihak Berkuasa Tempatan dan negeri, Malaysia, 2010" (PDF). 2012-02-27. Pinoopi mantad sanḏad ontok 2012-02-27. Linoyog ontok 2020-02-25.{{cite news}}: CS1 maint: bot: original URL status unknown (link)
  9. ↑ 9.0 9.1 9.2 9.3 9.4 9.5 Suzianah, Jiffar (2015-11-15). "Uniknya Tamu Kota Belud, bukan sekadar pasar minggu". www.tamparulisabah.com. Linoyog ontok 2020-04-13.

Noputan labus

[simbanai | simbanai toud]