Muzium Bali

Muzium Bali
	Kokitanan id dumbangan
	Location in Denpasar, Bali and Indonesia Muzium Bali (Bali) Muzium Bali (Indonesia)
Established	1931
Location	Denpasar
Coordinates	8°39′27″S 115°13′6.7″E / 8.65750°S 115.218528°E

Muzium Bali (ointutunan nogi sabaagi Muzium Unit Ponguridangan Teknikal Ko'obian Koubasanan Bali) nopo nga iso muzium negara i haro id Kota Denpasar, Bali. Muzium Bali nokosiliu do iso muzium poopian do tungkus tulun dounggulu-gulu om nogi etnografi. Suang muzium dii nopo nga kakamot-kakamot etnografi miagal ko' kakamot om kosuusukupan koposion, koinusan, kougamaan, boros, ponuatan, om suusuai i popokito do koposion om koburuon koubasanan Bali ontok timpu pogulu.

Sajara' koburuon

Ponuridangan Muzium Bali nopo nga tua' pomusarahan di Th. A. Resink. Pinosogu dau do poingkakaton iso kinoyonon panamangan om pomogompian kakamot-kakamot koubasanan id Bali. Tinorimo di W.F.J. Kroon o sogu dii om kalapas dii minomonsoi do muzium etnografi ontok toun 1910.^[1] Kroon nopo nga Mongunguhup Residen Kabaatan Bali. Timpu dau sabaagi mongunguhup residen dau nopo nga mantad toun 1909 gisom 1913 miampai wilayah karaja' nopo nga id Denpasar. Suai ko' ii, Kroon nogi nga songulun arkitek.

Nokoindalan o tua' pomusarahan dau soira nokoingkakat iso gedung i roitan do Gedung Arca ontok toun 1910. Arkitek i minomonsoi gedung dii nopo nga i Gusti Gede Ketut Kandel mantad banjar Abasan om i Gusti Ketut Rai mantad banjar Belong miampai songulun arkitek Jerman, i Curt Grundler. Sokodung kousinan om nogi kakamot nopo nga mantad raja-raja, Buleleng, Tabanan, Badung, om Karangasem.^[2]

Tua' pomusarahan di W.F. Sttuterhim, luguan jabatan kakamot antik nopo nga popotilombus goos montok momogonop muzium dii miampai do tungkus etnografi ontok toun 1930. Montok papalahas do ponguludan muzium dii, winonsoi o iso yayasan miampai luguan dau nopo nga i H.R. Ha'ak, monunuat G.J Grader, bendahara G.M. Hendrikss, om nogi surupu di suai; R. Goris, Gusti Ngurah Alit (raja Badung), Gusti Bagus Negara, om i Walter Spies.

Ontok 8 Momuhau 1932, tinimpuun do noukab o Muzium Bali montok tulun ginumuan.^[3] Ontok tadau dii, nookunan nogi o kukumaraja' do yayasan muzium dii. Noukab o Gedung Tabanan, Gedung Karangasem om nogi Gedung Buleleng montok kopokitanan pointatap miampai tinimungan kakamot-kakamot prasajara', sajara', etnografi kaampai no inus kokitanan.

Sinowoli do porinta' tampatan Wilayah Bali o muzium diti tu kakal po id taang kotimpuunon om nokotoguang nogi pisangadan miampai Piisaan Kibosikol Interskolastik Kabansaan (NICA) om Jepun, om ontok 5 Milatok 1965 natahak o muzium dii kumaa pomorinta' longkod id siriba do Jabatan Pondidikan om Koubasanan, om nokosiliu muzium umum wilayah miampai ngaran Muzium Pogun Wilayah Bali. Mantad toun 1969 mongintong kopio o porinta' longkod do muzium pogun wilayah, kaampai no Muzium Bali. Id suang Projek Koburuon Limo Toun (PELITA), pinalaab o Muzium Bali do kinoyonon om bongunan dau kumaa id kabaatan i oguno sabaagi longkod pambasaan, auditorium, makmal pomogompian, bongunan ponimungan, kopokitanan daamot om upis gisom do linaab muzium dii dinondo nopo nga 600 m² miampai 9 bongunan.

Bongunan

Winonsoi o tolig labus, natad om nogi lambangan tumanud woyo istana toi ko' diraja i koubasan id Denpasar. Haro apat astaka id kompleks muzium. Astaka diti nopo nga mobi do mogisuusuai watas id Bali.^[2]

Id ponong koibutan nopo nga haro Pavilion Tabanan. Koleksi di pinokito nopo nga kakamot sayau miagal ko' rasuk sayau, oinsanan kawo topeng, sayau topeng, wayang kulit, keris montok sayau Calonarang, om piipiro patung gulu-gulu. Koleksi suai do UPTD Muzium Bali nopo nga kaampai no biologi, etnografi, arkeologi, sajara', numismatik, filologi, seramik, om seni halus.

Id tanga'-tanga' kompleks diti nopo nga haro Pavilion Buleleng. Bongunan diti nopo nga haro woyo poimbida' do Pura id koibutan Bali. Pavilion diti kiharo tinimungan basaan Bali kaampai no kipas tradisional Bali.

Pavilion tohuri no, Pavilion Badung nopo nga poinladsong id totobon sumuang osomok do bale kulkul di akawas (kakamot tradisional montok monimung do mogigion) om nogi mogisuusuai tinimungan prasajara' di suai. Id suang pavilion diti, okito o kakamot i gunoon do tulun solinaid timpu mongindupot om momutanom, timpu pananaman, om timpu logam. Muzium Bali diti nopo nga kinoyonon di osonong montok minsingilo lobi ogumu kokomoi Bali.

Akses

Muzium Bali nopo nga poinladsong id kinoyonon strategik id longkod kota Denpasar id ralan Mayor Wisnu. Id boogian kabaatan muzium dii haro Pura Jagatnatha, om gana Puputan Badung om nogi Patung Apat Turos (Patung Catur Muka) nopo nga id dumbangan do Muzium Bali. Nung momoguno padsakayan di kimotor, timpu kumaa id Muzium Bali mantad Tutubpoon Kapal Tulud Ngurah Rai nopo nga pokiikiro 45 minit, 13 km kapamanahan.

Galeri

Gandang ka'adaton Timpu Luyang
Tandus Timpu Luyang
Patung Acintya

Kopoilaan mionit

Oukab o muzium diti ontok tadau Tontolu gisom tadau Tiwang ontok jaam 08.00 - 15.00 WITA. Alamat muzium diti nopo nga id Jl. Mayor Wisnu, Kelurahan Br. Abasan, Kecamatan Denpasar Timur, Denpasar.^[4]^[5]

Sukuon

↑ Rusmiyati, dkk. (2018). Katalog Museum Indonesia Jilid II (PDF). Direktorat Pelestarian Cagar Budaya dan Permuseuman. p. 212. ISBN 978-979-8250-67-5.{{cite book}}: CS1 maint: url-status (link)
↑ ^2.0 ^2.1 Bali and Lombok, pp. 62–62.
↑ Syarifuddin, dkk. (Februari 2023). Koleksi Museum Negeri Sumatera Selatan (PDF). Palembang: Bening Media Publishing. p. 2. ISBN 978-623-8006-53-3.{{cite book}}: CS1 maint: url-status (link)
↑ DIREKTORI MUSEUM INDONESIA. Jakarta: Sekretariat Direktorat Jenderal kebudayaan Kementerian Pendidikan dan Kebudayaan. 2012. pp. 532–534.{{cite book}}: CS1 maint: url-status (link)
↑ "Sejarah Berdirinya Museum Bali - Beritabali.com". aboutbali.beritabali.com. Pinoopi mantad sand̠ad ontok 2020-02-15. Linoyog ontok 2020-03-01. {{cite web}}: Unknown parameter |dead-url= ignored (|url-status= suggested) (help)

[1] Rusmiyati, dkk. (2018). Katalog Museum Indonesia Jilid II (PDF). Direktorat Pelestarian Cagar Budaya dan Permuseuman. p. 212. ISBN 978-979-8250-67-5.{{cite book}}: CS1 maint: url-status (link)

[Bali_and_Lombok,_p.62-62-2] 2.0 ^2.1 Bali and Lombok, pp. 62–62.

[3] Syarifuddin, dkk. (Februari 2023). Koleksi Museum Negeri Sumatera Selatan (PDF). Palembang: Bening Media Publishing. p. 2. ISBN 978-623-8006-53-3.{{cite book}}: CS1 maint: url-status (link)

[4] DIREKTORI MUSEUM INDONESIA. Jakarta: Sekretariat Direktorat Jenderal kebudayaan Kementerian Pendidikan dan Kebudayaan. 2012. pp. 532–534.{{cite book}}: CS1 maint: url-status (link)

[5] "Sejarah Berdirinya Museum Bali - Beritabali.com". aboutbali.beritabali.com. Pinoopi mantad sand̠ad ontok 2020-02-15. Linoyog ontok 2020-03-01. {{cite web}}: Unknown parameter |dead-url= ignored (|url-status= suggested) (help)

[1]

[2]

[3]

[4]

[5]