Park Ji-hoon | |
---|---|
Kinosusuon | Masan, South Korea | Mikat 29, 1999
Pondidikan | Chung-Ang University |
Sinikulan | School of Performing Arts Seoul – Broadcasting Arts |
Kalaja |
|
Toun mimparagat | 2006–dinondo |
Musical career | |
Genre | |
Instrument(s) | Vokal |
Toun mimparagat | 2017–dinondo |
Label | |
Formerly of | Wanna One |
Website | park-jihoon |
Korean name | |
Hangul | 박지훈 |
Hanja | 朴志訓 |
Revised Romanization | Pak Ji-hun |
McCune–Reischauer | Pak Chihun |
Signature | |
Park Ji-hoon (Hangul: 박지훈; nosusu ontok 29 Mikat 1999) songulun modsisinding om mimingkono' mantad Ponongsiba Korea. Timpuunon nopo nga aparagat isio sabaagi do mimingkono' tangaanak om model iklan. Nointutunan i Park ontok timpuunon do 2017 soira nakalantoi id taang koduo montok siri piboi'an realiti Produce 101 musim koduo. Isio nopo nga bagas do surupu tinimungan kusai, Wanna One i pinaasil do ababayan dii om mantad dii aparagat yau sabaagi artis solo om mimingkono'.
Pinotimpuun di Park o buruon solo dau miampai tombului kumoiso rumuba do mononokodung dau, om miampai poposoliwan do EP, O'Clock, kalapas nopupusan o ababayan Wanna One sabaagi iso tinimungan. Pinotilombus nogi dau o buruon tingkono' dau om nointutunan isio montok tonggungan dau id suang Flower Crew: Joseon Marriage Agency (2019), Love Revolution (2020), At a Distance, Spring Is Green (2021), om Weak Hero Class 1 (2022). Pointimporon do aparagat i Park id suang ababayan televisen realiti om minimparagat nogi isio sumiliu do DJ Rodiu. Nokoumbal nogi isio suminiliu model iklan montok piipiro janama panamangan kulit, kosmetik, om taakanon.
Nosusu i Park Ji-hoon ontok 29 Mikat 1999 id Wilayah Masan id Ponongsiba Korea.[1][2] Sundung pia mantad isio Wilayah Gyeongsang, nga poingion i Park id Seoul mantad po turu o toun dau.[3] Nopupusan dau sinikulan dau id National Middle School of Traditional Arts, hinonggo minaganu yau major do teater muzikal.[4] Minaganu i Park major do inus kosolimbahan id School of Performing Arts Seoul[5] om nopupusan dau ponginabasan dau ontok Milatok 2018.[6] Tinorimo i Park suminuang do Surupu Teater Universiti Chung-Ang ontok 2018.[7]
Pinotimpuun di Park o buruon dau sabaagi songulun mimingkono' tangaanak, maganu boogian id suang muzikal miagal do Peter Pan (2007–2009), The Harmonium in My Memory (2010), om Radio Star (2010–2011), om kitonggungan tokoro id suang drama televisen Jumong (2006-2007), The King and I (2007–2008), Kimchi Cheese Smile (2007–2008), Iljimae (2008), om ogumu po suai.[8] Nokoimbulai nogi i Park id suang ababayan realiti SS501 SOS (2006), sundung do pinosowut o turos dau poingompus do episod.[9] Ontok 2007, minimbulai yau id suang KM Idol War miampai do Big Bang.[10] Maamaso tangaanak po isio, pointilombus do aparagat isio id suang teater muzikal, kosolimbahan televisen, om filim, om poingkaraja' nogi isio sabaagi model iklan.[11] Maamaso sukod wagu isio, amu kopio isio aparagat id suang industri kohiakan, tuminimpuun i Park minluda sumiliu do songulun modsisinding royohon id siriba do SM Entertainment om Fantagio. Amu isio nakalantoi gisom id taang tohuri do tinimungan kusai Fantagio, Astro tu nosindualan o totud dau om sumusuhut minundaliu kumaa Maroo Entertainment[12]