Amityville 3D
|
C'l artìcul chè 'l è scrit in
Miranduléś |
 Amityville 3-D
| ||
| Amityville 3D | ||
 La Ryan e la Loughlin in na figùra dal film | ||
| id. 1983 | ||
|---|---|---|
| Regìa: Richard Fleischer | ||
| Scritōr: William Wales | ||
| Atōr: Tony Roberts • Tess Harper • Meg Ryan Robert Joy • Candy Clark • Leora Dana | ||
| Müsica: Howard Blake | ||
| Léngua: Ingléś | ||
| Dürä dal film: 105 minüt | ||
| Nasiōṅ: Stat Unî • Mèsic | ||
Amityville 3D (id.) 'l è 'n film ad scarésa dal 1983 ad Richard Fleischer, tèrs capìtul dla saga 'd Amityville dòp Amityville Horror dal 1979 e Amityville Possession dal 1982.
La pelìcula l'è stada giràda cun la tècnica ArriVision ch'la pirmitìva òṅ di prim efét tridimensiunài dal figùri in di schérum s'a s druàva di ucialèṅ speciài pulariśâ.
Sunt
Al giurnalìsta John Baxter (Tony Roberts), insém a la sò dóna ciamàda Melanie (Candy Clark), al decìd ad cumpràr da 'l agìnt imubiliàr Clifford Sanders (John Harkins) na cà a 'l nùmar 112 'd Ocean Avenue, 'n edifìsi tirâ sù su 'n vèć simitéri indiàṅ in du soquànt tèmp prima a gh'è stâ di fat ad sànguv.
John al n créd minga a la stòria dla maledisiòṅ ch'a gh sarév su la cà ma par pôc al n gh'armàgn séc druànd 'n asinsōr méntar Clifford al gh lasa la pèl dòp 'n atàc d' un siàm ad móschi e la Melanie la mōr in 'n incidènt in màchina. La fiōla 'd John, la Susan (Lori Loughlin), la taca a druàr insém a la sò amìga Lisa (Meg Ryan) na Ouija catàda in dal tasèl mòrt e la tavla la gh diś ch'l'è in perìcul e difàti la ragàsa la mōr méntar la s fà 'n gir in mutuscàf.