Bachelor Party 2 - L'ultima tentazione
 Bachelor Party 2:The Last Temptation | ||
| Bachelor Party 2 - L'ultima tentazione | ||
 La Vaugier e Josh Cooke in na figùra dal film | ||
| Ultma fèsta da put 2 - L'ultma tentasiòṅ 2008 | ||
|---|---|---|
| Regìa: James Ryan | ||
| Scritōr: Jay Longino • Neal Israel Pat Proft • Jay Longino • Bob Israel | ||
| Atōr: Harland Williams • Emmanuelle Vaugier Josh Cooke • Danny Jacobs • Warren Christie Sara Foster • Max Landwirth • Sandra Seeling Greg Pitts • Karen-Eileen Gordon • Erika Smith | ||
| Müsica: James Dooley | ||
| Léngua: Ingléś • Tedésc | ||
| Dürä dal film: 104 minüt | ||
| Nasiōṅ: Stat Unî | ||
Bachelor Party 2 - L'ultima tentazione (Ultma fèsta da put 2 - L'ultma tentasiòṅ) l'è na cumèdia americàna dal 2008 ad James Ryan.
L'è stada giràda dagnóra tuta a Miami c'n un budget ad siē migliòṅ ad dòlar pinsànd a 'l film Bachelor Party - Addio al celibato cun Tom Hanks e l'è vgnuda fóra diretamènt p'r al marcâ d'l home video.
Sunt
La rica Melinda (Sara Foster) la vōl dimóndi bèṅ a 'l sò muróś Ron Simmons (Josh Cooke) tant che quànd chi lò al gh śibìs 'l anèl ad fidansamènt i decìdan pò ad spuśàr-as subìt. La Melinda la gh'à na surèla bruta figa, l’Autumn (Karen-Eileen Gordon), ch'l'è dimóndi cuntènta dla nutìsia, dimóndi manc sò marè Todd Grant (Warren Christie), ad mistēr avucàt, ch'al l'à spuśàda sōl par psēr dvintàr un dè 'l pruprietàri dl'aśiénda 'd famìja e adès Ron al prév èsar 'n ustàcul par lò.
Par mandàr a gambi p'r ària 'l nòsi al decìd ad mét'r in pē n'ultma fèsta da put par lò a Miami. In cla manéra chè al spéra ad far-ag far i còran a sò cugnàda par pò tiràr śò incòsa p'r avér al próvi dal tradimènt. A la fèsta 'l invìda anc di amìg ad Ron, Derek (Harland Williams), spuśâ soquànti vòlti e cun di fiōi a càrag, Jason (Greg Pitts), un ciciòṅ vulgaròt ch'al s preśènta a 'l ragàsi śibénd-ag pizza e gusàda, e Seth (Danny Jacobs), 'n ebrèj c'n al ciòld fis dal pulî.
Anc s'al fèsti i èṅ pîni ad dóni pagàdi da Todd par cavàr-as śò e butàr-as fra i bras ad Ron, al “put incóra par pôc” al n céd minga. 'L avucàt al decìd acsè ad śugàr la carta Eva (Emmanuelle Vaugier), na ragàsa ch'la tîṅ la squàdra 'd basket di Cleveland Cavaliers cuma lò. In cal mént'r al pòvar Seth al finìs a lèt cun la Gerda (Sandra Seeling), na tedésca naśìsta ch'la gh salta adòs dòp che lò, par śbali, 'l iva mandâ śò dal viagra par cavài.