Bàmbula dal sès
|
C'l artìcul chè 'l è scrit in
Miranduléś |
La bàmbula dal sès, cgnusùda anc cuma bàmbula d'l amōr o in na manéra minga tant precìśa cuma bàmbula ch'la s infìa, l'è un śōg sesuàł ch'al próa a 'rcurdàr un còrp umàṅ par parmét'r ad far dal ciavàdi sumulàdi quànd a s è da par lò.
La pōl ès'r a figùra intéra, cun qvél ch'a gh vōl p'r insfilsàr-as da tut al bandi, o anc avér-ag sōl na part, qvéla ch'l'interèsa par far dal purcàdi.
In gènar i èṅ cumpràdi da di óm put ch'i n gh'aṅ minga na dóna da purtàr-'s a lèt e ch'i n vōlan minga spéndar di bèsi par catàr sù dal putàni lung la strada o dgl'escort ch'i cóst'n anc da piò. A 'l dè 'd incō i fànan anc di putòć a fórma 'd óm ch'at pō śuntàr-'g anc un vibradōr.
Descrisiòṅ
Al primi bàmbuli dla stòria, ciamàdi dames de voyage (dóni da viàś), i èṅ stadi fati in dal XVI sécul, i ér'n ad pèsa o 'd cutòṅ e i sarvìv'n a i marinàr spagnōi e francéś ch'i gh'ìvan da star via da cà par dimóndi stmani.
Al bàmbuli più a bòṅ marcâ, i cóst'n in gènar da i vint euro in sù, i èṅ qvéli ch'i s infìan, i èṅ fati 'd vinîl e quànd a s è finî i s pōlan lavàr in un basìl.
Al prubléma 'l è ch'i s frùst'n in présia. Cun quèl da piò a s pōl purtàr a cà na bàmbula 'd làtis, fati in Frància e in Ungherìa, ch'i gh'aṅ òć ad plàstica o 'd vēdar e i pàran di manichèṅ.
Qvéli più bèli, ch'i pàran véra, i èṅ al bàmbuli ad silicòṅ ch'i cóstan siē-mila euro a 'l incìrca e 't li pó métar cum at vō parchè i gh'àṅ un schéltar dèntar e di cavìi véra. I gh'aṅ dal téti 'd silicòṅ che s't li tast i pàran cumpàgni a qvéli dna dóna véra. I vaṅ fòrt specialmènt in Giapòṅ.
I èṅ drē a vgnir fóra dal bàmbuli inteligènti ch'i èṅ bòni 'd dascórar, ad batśàr al cumpurtamènt dal sò padròṅ, 'd arcurdàr-'s i nóm di sò parènt e 'd armàgnar “schisa” o 'd dmandàr par piaśēr ad farmàr-as ch'la n vōl minga èsar gusàda[1]. I aṅ strulgâ anc di mudèi ch'i èṅ bòṅ ad far i fat in cà[2].
Culegamènt estéran
Wikimedia Commons contiene file multimediali su Bàmbula dal sès
Nòti
- ↑ Bàmbuli dal sès, prèst i gh'aràṅ anc na muràł (e i s diràṅ s'i li tratém bèṅ) 'Il Corriere della Sera, 3 ad Nuvémbar dal 2017
- ↑ Robót dal sès, 'l imprendidōr ch'al li farà in série: “A vlém purtàr al bàmbuli in dla vita 'd tut i dè e far-li dvintàr dal mémbri dal nòstri famìji” 'Il Fatto Quotidiano, 31 ad Luj dal 2017