Carnage (film 2002)
|
C'l artìcul chè 'l è scrit in
Miranduléś |
 Carnages
| ||
| Carnage | ||
.png) La Mastroianni e Cornillac in na figùra dal film | ||
| Masèl 2012 | ||
|---|---|---|
| Regìa: Delphine Gleize | ||
| Scritōr: Delphine Gleize | ||
| Atōr: Julien Lescarret • Chiara Mastroianni Clovis Cornillac • Lucia Sanchez • Ángela Molina Jacques Gamblin • Lio • Raphaëlle Molinier | ||
| Müsica: Éric Neveux Labo Orchestra • Jérôme Rebotier | ||
| Léngua: Francéś • Spagnōl • Itagliàṅ • Pulàc | ||
| Dürä dal film: 130 minüt | ||
| Nasiōṅ: Frància • Bélgi • Spaggna • Śvisra | ||
Carnage (Masèl) l'è na cumèdia dramàtica dal 2012 scrita e dirèta par la Delphine Gleize preśentàda a 'l 55śum Fèstival ad Cannes in dla sesiòṅ „Un certain regard“.
Sunt
Victor (Julien Lescarret) 'l è 'n ragàs ch'al gh'à da śibìr-as par la prima vòlta in dla part dal matador in na curìda in dal sud dla Spaggna. Al spetàcul 'l è traśmìs anc in Frància in du na putìna cun dal criśi epilètichi, la Winnie (Raphaëlle Molinier), la fà in tèmp a védar ch'al tôr Romero al gh tira na scurnàda in dla pansa prima 'd murìr. Al śōvan, ardùt mâł, al finìs a 'l uśdàł méntar la bèstia la vîṅ invéci purtàda in un masèl p'r èsar śbrandlàda in tant cunsèṅ. La mistra 'd aśìl dla putìna, la Jeanne (Lucia Sanchez), esénd andàda a catàr sò màd'r Alicia (Ángela Molina) in Andaluśìa, la fà in tèmp a véd'r al viàś in furgunsèṅ dal tôr prima ch'al sò carni i sìan pò vindùdi, anc a 'l èstar. L’Alicia la diś a sò marè Paco (Féodor Atkine) ch'al sò naś al la fà patìr dimóndi quànd la s mét gl'uciài, dònca la vōl andàr a Lille cun sò fiōla par far n'uperasiòṅ.
La Carlotta Pascalini (Chiara Mastroianni), uriginària 'd Palèrum, la fà l'atōra ma la sènt al biśógn ad far na terapìa par calmàr-'s armagnénd nûda in pisìna insém a dgl'atri parsòni esénd ch'la gh'à di prubléma a relasiunàr-as c'n i óm. L'è lè che lē la cgnós Alexis (Clovis Cornillac).
Jacques (Jacques Gamblin) 'l è 'n dutōr universitàri ch'al fà fadìga a 'rmàgnar fedēl a sò mujēr ch'la spèta 'n putèṅ, la Betty (Lio). Un dè al ricév gl'òć dal tôr, ch'al gh'à da far di studi, mént'r i sò còran i finìs'n a 'n imbalsamadōr, Luc (Bernard Sens).